ТТК Банка АД Скопје ги известува своите почитувани корисници дека од 5.1.2021 година (вторник) банката ќе започне со исплата на паричните права од социјална, цивилна и детска заштита (сите парични права) за месец декември 2020 година за корисниците кои ја примаат паричната помош на нивната денарска сметка во Банката.

Корисниците на Visa дебитните картички ќе можат да располагаат со средствата од 5.1.2021 г. (вторник), преку мрежата на банкомати и во трговската мрежа.

За корисниците кои не поседуваат дебитни картички, имајќи ги предвид актуелните мерки за заштита од коронавирусот, исплатата ќе се врши во две групи во согласност со утврдениот распоред по азбучен ред, според првата буква од презимето:

• 5-ти јануари (вторник) – А, Б, В, Г, Д, Ѓ, Е, Ж, З, Ѕ, И, Ј, К, Л, Љ;
• 8-ми јануари (петок) – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.

Со цел заштита на здравјетo, од банката апелираат средствата првенствено да се користат за безготовински плаќањa во трговската мрежа или преку електронско банкарство TTK E-bank или мобилно банкарство TTK M-bank, а во случај на потреба од готовина да се подигнуваат од банкомат.

Во случај на неопходна посета на филијалите и експозитурите на Банката задолжително е носење лична заштитна опрема на лицето (заштитна маска, марама или шал), држење на пропишаното минимално растојание и дезинфекција на рацете.