Connect with us

Домашни банки

ТТК Банка оствари профит од 5,7 милиони денари во првиот квартал од 2019 година

Објавено

на

Во првиот квартал од 2019 година ТТК Банка АД Скопје дејствуваше во насока на остварување на своите приоритетни цели и задачи дефинирани во Деловната политика и во Финансискиот план на Банката, при што во текот на периодот го прилагодуваше своето работење на тековните економски и пазарни услови на стопанисување.

Во периодот 1.1.2019 – 31.3.2019 година, преку своето редовно оперативно работење, Банката успеа да генерира позитивен нето-оперативен приход пред исправки на вредност во износ од 26,6 милиони денари, како резултат на остварени опeративни приходи во износ од 103,7 мил. денари и остварени оперативни трошоци во износ од 77,1 мил. денари. Во истиот период, исправката на вредност на финансиски средства и посебна резерва за вонбилансната изложеност, на нето-основа изнесува 20,9 милиони денари.

Финансискиот резултат за периодот јануари – март 2019 година е позитивен и изнесува 5,7 милиони денари.

Известување за промени во сметководствените политики и методи на вреднување

Во првиот квартал од 2019 година нема промени во сметководствените политики и методи на вреднување.

Финансиски остварувања на Банката

Нето-приходите од камати како основна компонента во формирањето на вкупните приходи од работењето во првиот квартал од 2019 година изнесуваат 64,3 милиони денари и бележат пад од 4,4% во однос на истиот период минатата година, што главно произлегува од секторот финансиски институции и банки. Планираните нето-приходи од камати се остварени со 103%.

Нето-приходите од провизии и надоместоци за услуги во анализираниот период изнесуваат 31,3 милиони денари и бележат пораст од 7,2% во однос на истиот период минатата година.

Најголем придонес во структурата на оваа позиција имаат приходите од провизии коишто потекнуваат од платниот промет во земјата како од секторот население така и од секторот стопанство како и од приходите од провизии од секторот кредитирање. Планираните нето-приходи од провизии се остварени со 97%.

Нето-приходите од курсни разлики изнесуваат 1,9 милиони денари и бележат раст од 2,5% во однос на истиот период минатата година. Остварувањето на планот изнесува 109%.

Останатите приходи од работењето на Банката на 31.3.2019 година изнесуваат 4,8 милион денари и бележат намалување како резултат на повеќе реализирани приходи од капитална добивка од продажба на преземен имот во првиот квартал од минатата година.

Вкупните оперативни трошоци во анализираниот период изнесуваат 77,1 милиони денари и истите се пониски за 2,7% споредено со истиот период минатата година, пред сѐ како резултат на подобрената оперативна ефикасност.

Во споменатиов период, исправката на вредноста на финансиските средства и посебната резерва за вонбилансната изложеност на нето-основа изнесува 20,9 милиони денари и истата соодветствува со обемот, структурата, квалитетот и порастот на кредитните пласмани на Банката.

Очекувања за претстојниот период

Во наредниот период Банката ќе биде насочена кон обезбедување стабилно и профитабилно оперативно работење. Банката ќе презема активности во насока на остварување на целите утврдени во деловната политика за 2019 година. Растот на кредитната активност на Банката се очекува да се реализира преку зголемување на уделот на работа со населението и задржување на фокусот за работа со мали и средни претпријатија. Потпирањето на сопствените извори на финансирање и понатаму ќе биде основа на деловната стратегија, при што и натаму депозитите од секторот население остануваат со доминантно учество во вкупните извори на средства.

Во текот на 2019 година Банката ќе продолжи со преземање интензивни мерки и активности за наплата на нефункционалните кредити и подобрување на квалитетот на кредитното портфолио коишто позитивно би влијаеле на финансискиот резултат на Банката.

Домашни банки

НЛБ Банка: Известување за неработен ден 05.06.2020 година

Објавено

на

НЛБ Банка АД Скопје ги известува своите клиенти дека по повод престојниот православен празник „Духовден“, експозитурите на Банката нема да работат на 05.06.2020 година (петок). (more…)

Продолжи со читање

Домашни банки

HalkEco Хронометар 10KM ќе се трча со примена на мерки за заштита од коронавирусот

Објавено

на

Првата Хронометар атлетска трка HalkEco Хронометар 10KM што во организација на Сојуз на Спортови на Скопје и Атлетски Клуб „Работнички“ од Скопје и со поддршка на Халкбанк како генерален покровител, ќе се одржи идната сабота (13 јуни), заради моменталната состојба со коронавирусот ќе биде организирана со почитување на препораките од Владата и протоколите донесени од Комисијата за заразни болести. (more…)

Продолжи со читање

Домашни банки

Стопанска банка АД – Скопје: Соопштение за неработен ден 05.06.2020 (петок)

Објавено

на

Стопанска банка АД – Скопје ги известува своите клиенти дека по повод престојниот православен празник „Духовден“, филијалите на Стопанска банка АД – Скопје нема да работат на 05.06.2020 (петок). (more…)

Продолжи со читање

Популарно