ТТК Банка АД Скопје ги известува своите почитувани корисници дека од 4.8.2020 година, Банката започа со исплата на паричните права од социјална заштита за корисниците кои ја примаат паричната помош на нивната денарска сметка во ТТК Банка АД Скопје.

Корисниците на Visa дебитните картички веќе можат да располагаат со средствата од 4.8.2020 г. (вторник), преку мрежата на банкомати и во трговската мрежа.

За корисниците кои не поседуваат дебитни картички, имајќи ги предвид актуелните мерки за заштита од корона вирусот, исплатата се врши во периодот од 4.8.2020 г. (вторник) до 6.8.2020 г. (четврток) во согласност со утврдениот распоред по азбучен ред, според првата буква од презимето:

• 4-ти август (вторник) – А, Б, В, Г, Д, Ѓ, Е, Ж, З, Ѕ;
• 5-ти август (среда) – И, Ј, К, Л, Љ, М, Н, Њ, О;
• 6-ти август (четврток) – П, Р С, Т, Ќ, У, Ф, Х, Ц, Ч, Џ, Ш.

Од Банката апелираат клиентите коишто не поседуваат дебитна картичка да се придржуваат до утврдениот распоред и при нивната посета на филијалите и експозитурите да пополнат барање за изработка на дебитна картичка со што ќе имаат лесен, брз и едноставен пристап до своите средства во секое време.

Во случај на неопходна посета на филијалите и експозитурите на Банката задолжително е носење лична заштитна опрема на лицето (заштитна маска, марама или шал), држење на пропишаното минимално растојание и дезинфекција на рацете.