Connect with us

Осигурување

Триглав – групација со солиден капитал и стабилен, профитабилен бизнис

Објавено

на

Агенцијата за кредитен рејтинг „S&P Global Ratings” (во натамошниот текст: „S&P” или агенција) по редовниот годишен преглед на ден 11.09.2020 година, на Групацијата Триглав, а со тоа и на нејзиното матично друштво и друштвото ќеркa Позаваровалница Триглав Ре, повторно ја потврди долгорочната кредитна бонитетна оценка и кредитната оценка за финансиска моќ »A« со стабилна среднорочна прогноза. Високиот рејтинг е одраз на стабилното и профитабилно работење на Групацијата Триглав, нејзината солидна капитализираност, промислената реосигурителна заштита и водечката позиција на пазарот во Словенија и во регионот. Кредитниот рејтинг „А“ е исклучиво проценка на самостојниот профил на кредитни ризици на Групацијата и не содржи никакви зголемувања, што би биле последица на поврзаноста на Групацијата со државата.

„S&P” во својот извештај го оценува профилот на ризик во работењето на Групацијата Триглав како солиден, а профилот на финансиски ризици како многу солиден. Во извештајот се наведува дека Групацијата, со својот фокус кон клиентите и во овие тешки услови обезбедува стабилно и профитабилно работење во двете активности, во осигурувањето и во управувањето со средства. Водечката позиција на словенечкиот пазар овозможува да примени економија од обем, која што ја надополнува со својата широка понуда и продажна мрежа и со употреба на силниот бренд. Профилот на ризичност на Триглав е добар, поврзан е со конзервативна инвестициска политика и со стабилна и ефективна реосигурителна заштита, додека инвестициското портфолио е квалитетно и добро диверзификувано, претежно во еврозоната. „S&P” смета дека претходно наведеното, во комбинација со дисциплинираното преземање осигурителни ризици е клучниот темел за стабилноста во работењето и за позицијата на Групацијата Триглав.

Стабилната среднорочна прогноза на кредитниот рејтинг ги рефлектира очекувањата на „S&P” дека Групацијата Триглав и во иднина, најмалку во следниот двегодишен период, успешно ќе ја одржува деловната стратегија со акцент на растот и натамошната диверзификација во работењето. Агенцијата очекува дека Групацијата Триглав, и покрај пандемијата и нејзините влијанија, ќе ги одржи доброто и стабилно работење и високата капитализираност и дека и во следните две до три години ќе ги исполнува критериумите за најмала оцена »AA«.

Осигурување

Македонски експерти ќе бидат дел од глобалниот настан насловен како „Иднината на осигурувањето во Европа“

Објавено

на

Во организација на водечката меѓународна новинарска агенција „Reuters” се организира Глобален настан насловен како „Иднината на осигурувањето во Европа“. Настанот е виртуелен и ќе биде одржан на 24-ти и 25-ти ноември. (more…)

Продолжи со читање

Осигурување

Уника укинува 600 работни места до крајот на 2022 година

Објавено

на

Осигурителната група „Уника” планира да укине околу 600 работни места до 2022 година, претежно во Австрија и да затвори една третина од филијалите во матичната земја, соопшти австриската осигурителна компанија. (more…)

Продолжи со читање

Осигурување

Халк Осигурување со долготрајна стратегија за подигнување на свеста за грижата на машкото здравје

Објавено

на

Разговорот за машкото здравје често се занемарува во дискусиите за јавно здравје. Сепак, негрижата за здравјето на мажите може да им предизвика значителна болка и страв при првата посета во медицинска установа. Занемарувањето на здравјето на мажите не само што е неефикасно туку и носи намалување на квалитетот на животот, предизвикува страдања, па доведува и до предвремени смртни случаи. Најновите истражувања на фондацијата за рак на простата (www.pcf.org) велат дека кај едно од девет лица ќе биде дијагностицирано рак на простата.  (more…)

Продолжи со читање

Популарно