Македонската берза го објави месечниот статистички билтен за месец јануари 2021 година.

Вкупниот промет е зголемен во однос на претходниот месец за минимални 3,46 проценти, но иако растот беше минимален имаше компании кои забележаа пораст на вредноста на своите акции.

Компанија која забележа највисок пораст на вредноста на своите акции е ВВ Тиквеш Кавадарци. Просечната цена на акциите на оваа компанија во месец јануари изнесувала 5.000,00 денари, додека во декември просечната цена изнесувала 4.501,00 денари, што значи бележи пораст на вредноста за 11,09%.

На второто место се најдоа акциите на Макошпед Скопје кои ја зголемија вредноста за 9,95 проценти односно достигнаа просечна цена од 210,00 денари. На трето место по пораст на вредноста на акциите се најде Македонијатурист АД Скопје, чиишто акции ја зголемија вредноста за 7,99 проценти односно достигнаа просечна цена од 4.500,00 денари.

Пораст забележаа и акциите на Гранит АД Скопје и Комерцијална банка АД Скопје кои ја зголемија вредноста на своите акции за 7,98 проценти односно 6,82%, соодветно.

Целосниот месечен статистички билтен за јануари 2021 година можете да го погледнете на следниов линк.