Македонската берза го објави месечниот статистички билтен за месец декември 2020 година.

Вкупниот промет е зголемен во однос на претходниот месец за високи 58,65 проценти, па токму поради тоа имаше компании кои забележаа висок пораст на вредноста на своите акции.

Компанија која забележа највисок пораст на вредноста на своите акции е БИМ Свети Николе. Просечната цена на акциите на оваа компанија во месец декември изнесувала 12.300,00 денари, додека во ноември просечната цена изнесувала 10.100,00 денари, што значи бележи пораст на вредноста за 21,78%.

На второто место се најдоа акциите на ДС Смитх АД Скопје кои ја зголемија вредноста за 20,30 проценти односно достигнаа просечна цена од 480,00 денари. На трето место по пораст на вредноста на акциите се најде ЗК Пелагонија Битола, чиишто акции ја зголемија вредноста за 13,22 проценти односно достигнаа просечна цена од 3.000,24 денари.

Пораст забележаа и акциите на Македонијатурист АД Скопје и Европа АД Скопје кои ја зголемија вредноста на своите акции за 12,62 проценти односно 10,03%, соодветно.

Целосниот месечен статистички билтен за декември 2020 година можете да го погледнете на следниов линк.