Македонската берза го објави месечниот статистички билтен за месец октомври 2020 година.

Вкупниот промет е зголемен во однос на претходниот месец за 4,61 проценти, па токму поради тоа имаше компании кои забележаа висок пораст на вредноста на своите акции.

Компанија која забележа највисок пораст на вредноста на своите акции е Лотарија на Македонија Скопје. Просечната цена на акциите на оваа компанија во месец октомври изнесувала 135,00 денари, додека во септември просечната цена изнесувала 106,00 денари, што значи бележи пораст на вредноста за 27,36%.

На второто место се најдоа акциите на НЛБ Банка АД Скопје кои ја зголемија вредноста за 5,96 проценти односно достигнаа просечна цена од 18.630,76 денари. На трето место по пораст на вредноста на акциите се најде РЖ Економика Скопје, чиишто акции ја зголемија вредноста за 2,94 проценти односно достигнаа просечна цена од 70,00 денари.

Пораст забележаа и акциите на Бетон АД Скопје и Цементарница УСЈЕ АД Скопје кои ја зголемија вредноста на своите акции за 2,39 проценти односно 1,60%, соодветно.

Целосниот месечен статистички билтен за октомври 2020 година можете да го погледнете на следниов линк.