Македонската берза го објави месечниот статистички билтен за месец јули 2020 година.

Иако, вкупниот промет е намален во однос на претходниот месец за 14,16 проценти, имаше компании кои забележаа висок пораст на вредноста на своите акции.

Компанија која забележа највисок пораст на вредноста на своите акции е Огражден Струмица. Просечната цена на акциите на оваа компанија во месец јули изнесувала 1.860,00 денари, додека во јуни просечната цена изнесувала 1.250,00 денари, што значи бележи пораст на вредноста за 48,80%.

На второто место се најдоа акциите на РЖ Уготур Скопје кои ја зголемија вредноста за 16,67 проценти односно достигнаа просечна цена од 28,00 денари. На трето место по пораст на вредноста на акциите се најде УНИБанка АД Скопје, чиишто акции ја зголемија вредноста за 16,46 проценти односно достигнаа просечна цена од 2.399,00 денари.

Пораст забележаа и акциите на ТТК Банка АД Скопје и Пекабеско Скопје кои ја зголемија вредноста на своите акции за 11,11 проценти односно 9,98%, соодветно.

Целосниот месечен статистички билтен за јули 2020 година можете да го погледнете на следниов линк.