Македонската берза го објави месечниот статистички билтен за месец јуни 2020 година.

Иако, вкупниот промет е намален во однос на претходниот месец за 6,36 проценти, имаше компании кои забележаа висок пораст на вредноста на своите акции.

Компанија која забележа највисок пораст на вредноста на своите акции е Уготур Скопје. Просечната цена на акциите на оваа компанија во месец јуни изнесувала 24,00 денари, додека во мај просечната цена изнесувала 19,00 денари, што значи бележи пораст на вредноста за 26,32%.

На второто место се најдоа акциите на Макстил АД Скопје кои ја зголемија вредноста за 16,67 проценти односно достигнаа просечна цена од 77,00 денари. На трето место по пораст на вредноста на акциите се најде Пекабеско АД Скопје, чиишто акции ја зголемија вредноста за 2,99 проценти односно достигнаа просечна цена од 12.730,00 денари.

Пораст забележаа и акциите на Ветекс АД Велес и Реплек АД Скопје кои ја зголемија вредноста на своите акции за 2,96 проценти односно 2,50%, соодветно.

Целосниот месечен статистички билтен за јуни 2020 година можете да го погледнете на следниов линк.