Македонската берза го објави месечниот статистички билтен за месец мај 2020 година.

Иако, вкупниот промет е значително намален во однос на претходниот месец за високи 36,99 проценти, имаше компании кои забележаа висок пораст на вредноста на своите акции.

Компанија која забележа највисок пораст на вредноста на своите акции е РЖ Економика Скопје. Просечната цена на акциите на оваа компанија во месец мај изнесувала 68,00 денари, додека во април просечната цена изнесувала 48,00 денари, што значи бележи пораст на вредноста за високи 41,67%.

На второто место се најдоа акциите на Фершпед АД Скопје кои ја зголемија вредноста за 11,30 проценти односно достигнаа просечна цена од 59.500,00 денари. На трето место по пораст на вредноста на акциите се најде Фустеларко Борец АД Битола, чиишто акции ја зголемија вредноста за 11,11 проценти односно достигнаа просечна цена од 1.200,00 денари.

Пораст забележаа и банкарските акции на УНИБанка Скопје и Стопанска банка АД – Скопје кои ја зголемија вредноста на своите акции за 6,44 проценти односно 6,15%, соодветно.

АКЦИИ НА ОФИЦИЈАЛЕН ПАЗАР – НАЈГОЛЕМ ПОРАСТ

Целосниот месечен статистички билтен за мај 2020 година можете да го погледнете на следниов линк.