Connect with us

Анализи

ТОП 10 најниски плати во државата

Објавено

на

Според податоците на државниот завод за статистика, доколку ги анализираме просечните плати по дејности во месец декември 2020 година во Република Северна Македонија, ќе дојдеме до заклучок дека 55 дејности или една половина имаат просек на плати помал од просечната месечна нето плата.

Само за потсетување, просечната нето-плата во декември изнесувала 28.294 денари.

Убедливо најниски плати добиваат вработените во заштитни и истражни дејности каде просечната плата изнесува 15.933 денари или нивната плата е за 12.361 денари помала од просечната нето плата во државата.

Минимално повисока плата добиваат вработените во производство на кожа и слични производи од кожа кадешто просечната плата изнесува 16.777 денари или за 11.517 денари пониска плата во однос на просечната нето плата.

Потоа следуваат, Туристички агенции, организатори на патувања (туроператори) и останати резервациски услуги како и дејностите поврзани со нив кои имаат просечна плата од 17.189 денари или за 11.105 денари помала плата во споредба со просечната нето плата. Но, мора да се напомене дека голем дел од овие вработени во изминатиов период останаа без својата работа како последица на пандемијата на коронавирусот од кој најголеми последици претрпеа пред се вработените во туризмот.

Вработените во дејности за подготовка на оброци и служење на храна се со просечна плата од 17.697 денари.

Услуги поврзани со одржување на згради и дејности на уредување и одржување на животната средина и природата со просечна плата од 17.946 денари.

Вработените во производство на облека земаат просечна плата од 18.184 денари.

Вработените во производство на мебел земаат просечна плата од 19.674 денари, додека во дејноста рибарство и аквакултура просечната плата изнесува 19.996 денари.

Вработените  во дејноста објекти за сметување и сервисни дејности со храна имаат просечна плата од 20.264 денари. По нив следат вработените во дејноста отстранување на отпадни води со просчна плата од 20.269 денари. Овие дејности ги сочинуваат ТОП 10 најниските просечни плати во нашата држава.

Вработените во овие дејности освен тоа што земаат далеку пониски плати во однос на просечната нето плата, тие имаат голем недостаток на средства во споредба со синдикалната минимална кошничка којашто во јануари изнесувала 33.650 денари.

Анализи

Македонските банки со најуспешни резултати на ниво на цел регион

Објавено

на

Повеќе од успешни се резултатите од работењето на банките во земјава минатата година, како во однос на добивката, така и во однос на обемот на работа, стабилноста и одговорноста кон новонастанатата состојба. Споредбата на финансиските резултати на банките од Република Северна Македонија, Србија, Косово, Црна Гора, Босна и Херцеговина и од Хрватска покажува дека македонските банки се одлично капитализирани и финансиски успешни. (more…)

Продолжи со читање

Анализи

Експертите советуваат: Не ги повлекувајте заштедите од банките бидејќи банкарскиот систем е стабилен, а штедните влогови се безбедни!

Објавено

на

Македонскиот банкарски систем е стабилен и сигурен и укинувањето на дозволата на една мала банка не ја доведува во прашање стабилноста на системот, беа уверувањата од Народната банка и од Македонската банкарска асоцијација по укинувањето на дозволата за основање и работење на Еуростандард банка АД Скопје. Укинувањето на дозволата се должи на неисполнување на минималните законски услови за работење на банка. (more…)

Продолжи со читање

Анализи

Финансиските друштва и под предизвикувачки услови дадоа поддршка во надминување на ефектите предизвикани од Ковид – кризата, продолжуваат со отвореност за развој на финтек индустријата

Објавено

на

Според статистиката на Народната банка на Северна Македонија, во рамките на финансискиот систем на Северна Македонија, вкупните средства на останатите (небанкарски) финансиски институции во 2020 година бележат годишен раст од 12,8%. (more…)

Продолжи со читање




Популарно