Connect with us

Анализи

ТОП 10 највисоки плати во државата

Објавено

на

Според податоците на државниот завод за статистика, доколку ги анализираме просечните плати по дејности во месец декември 2020 година во Република Северна Македонија, ќе дојдеме до заклучок има неколку дејности кои имаат просек на плати значително повисок од просечната месечна нето плата.

Само за потсетување, просечната нето-плата во декември изнесувала 28.294 денари.

Убедливо највисоки плати добиваат вработените во дејноста компјутерско програмирање, консултантски и сродни дејности каде просечната плата изнесува 76.223 денари или нивната плата е за 63.862 денари повисока од просечната нето плата во државата.

Веднаш по нив се вработените во информации и комуникации кои во декември просечно земале по 56.998 денари, а на трето место се вработените во Телекомуникации со просечна плата од 50.034 денари. Две скалила погоре се искачија платите на вработените во Финансиско-услужни дејности, освен осигурување и пензиски фондови и од шестто место, се искачија на четврто место со просечна плата од 48.790 денари.

Првата петорка ја заокружуваат вработените во производство на основни фармацевтски производи и фармацевтски препарати со просечна плата од 47.948 денари или за 19.654 денари повисока од просечната нето плата во државата.

На шестото место се финансиски дејности и дејности на осигурување со просечна плата од 46.795 денари, додека вработените во Осигурување, реосигурување и пензиски фондови, освен задолжително социјално осигурување се на седмото место со просек на плата од 43.424 денари.

Вработените во воздухопловниот транспорт, просечно земале 42.671 денари и се позиционирале на осмото место пред вработените со дејност останати стручни, научни и технилки дејности со просек на плата од 41.589 денари.

Во топ 10 анализата влегуваат и вработените во дејноста вадење на руди и метал со просечна плата од 40.980 денари.

Вработените во овие дејности освен тоа што земаат далеку повисоки плати во однос на просечната нето плата, тие имаат поголеми приходи во споредба со синдикалната минимална кошничка којашто во јануари изнесувала 33.650 денари.

Анализи

Македонските банки со најуспешни резултати на ниво на цел регион

Објавено

на

Повеќе од успешни се резултатите од работењето на банките во земјава минатата година, како во однос на добивката, така и во однос на обемот на работа, стабилноста и одговорноста кон новонастанатата состојба. Споредбата на финансиските резултати на банките од Република Северна Македонија, Србија, Косово, Црна Гора, Босна и Херцеговина и од Хрватска покажува дека македонските банки се одлично капитализирани и финансиски успешни. (more…)

Продолжи со читање

Анализи

Експертите советуваат: Не ги повлекувајте заштедите од банките бидејќи банкарскиот систем е стабилен, а штедните влогови се безбедни!

Објавено

на

Македонскиот банкарски систем е стабилен и сигурен и укинувањето на дозволата на една мала банка не ја доведува во прашање стабилноста на системот, беа уверувањата од Народната банка и од Македонската банкарска асоцијација по укинувањето на дозволата за основање и работење на Еуростандард банка АД Скопје. Укинувањето на дозволата се должи на неисполнување на минималните законски услови за работење на банка. (more…)

Продолжи со читање

Анализи

Финансиските друштва и под предизвикувачки услови дадоа поддршка во надминување на ефектите предизвикани од Ковид – кризата, продолжуваат со отвореност за развој на финтек индустријата

Објавено

на

Според статистиката на Народната банка на Северна Македонија, во рамките на финансискиот систем на Северна Македонија, вкупните средства на останатите (небанкарски) финансиски институции во 2020 година бележат годишен раст од 12,8%. (more…)

Продолжи со читање




Популарно