Connect with us

Осигурување

Технолошки усовршен дигитален центар на Групацијата Триглав во Љубљана

Објавено

на

Групацијата Триглав во Љубљана отвори нов дигитален центар, Триглав ЛАБ. Просторот на едно место обединува услуги на четири друштва од Групацијата Триглав, современи технолошки решенија и иновативни искуства од подрачјето на безбедност. На посетителите им овозможува искуство со напредни идеи од областа на осигурувањето, коишто се прилагодени на потребите на клиентите и ја олеснуваат соработката со водечката осигурителна и финансиска групација во Словенија и во регионот Адриа.

Технолошки напредниот центар Триглав ЛАБ на посетителите ќе им понуди увид и можност за користење на иновативни дигитални решенија. Покрај тестирање на нови продукти, развој на современи паметни услуги и остварување на идеи за подобро корисничко искуство, неговата намена е и приближување на луѓето кон дигиталниот свет на осигурувањето и можност за користење на дигиталните услуги на Триглав. Тоа значи дека посетителите во Триглав ЛАБ ќе можат да склучат договори за осигурување, како и да пријавуваат штети.

Фокус на клиентите

Во новата стратегија, Групацијата Триглав, во самиот центар на своите активности ги постави клиентите. “Свесни сме дека дигитализацијата е нашата реалност. За обезбедување на квалитетни производи и услуги, потребни се технолошки решенија, прилагодени на потребите на клиентите. Тие се центарот на нашите активности, затоа ги прилагодуваме процесите на нив и на нивните потреби, коишто се менуваат, и развиваме иновативни производи и услуги. Токму затоа деловните процеси постојано ги надградуваме со современи решенија. Согласно нашата нова вредност, современост, како и врз основа на стратешките насоки, го основавме Триглав ЛАБ – технолошки центар и полигон на дигитално работење на Групацијата Триглав” -изјави Тадеј Чароли, член на Управата на Заваровалница Триглав.

Целта е на осигурениците да им се понудат пред сe едноставни и меѓусебно поврзани услуги од разни осигурителни групи, поточно имотни осигурувања, осигурување на живот, здравствени и пензиски осигурувања. “Преку овој напреден дигитален центар сакаме, меѓу другото, на клиентите да им понудиме единствено и сеопфатно искуство – да се надмине поделбата на поединечни друштва во Групацијата Трилгав и на едно место да одговориме на нивните потреби.” додаде Чароли.

Триглав ЛАБ е продажно место, коешто под една стреа ги здружува четирите одделни друштва: Заваровалница Триглав, Здравствена заваровалница, Триглав Склади и Скупна покојнинска дружба.

Современи технолошки иновации

Сите кои ќе дојдат во дигиталниот центар, ќе имаат можност да го тестираат симулаторот ДРАЈВ. Симулаторот на корисниците им овозможува искуство со различни ситуации, што можат да се случат во сообраќајот, а на помладите возачи им дава можност да поминат курс за безбедно возење. Посетителите ќе можат да ги пробаат и симулациите за скијачки скокови и за земјотреси во виртуална реалност. Преку видео конференции ќе имаат можност да разговараат со лекари, од кои ќе можат да добијат совети за превентивни лекувања, додека пак преку ЕЕГ технологијата ќе имаат можност да се запознаат со проблематиката на деменција. И тоа не е се. Посетителите ќе можат со сопствените мисли да наточат питка вода, додека на соларните клупи ќе можат да ги наполнат своите мобилни уреди.

Мисијата на Групацијата Триглав е градење на безбедна иднина. Иновативните доживувања во центарот Триглав ЛАБ (кратенка од лабараторија) ќе помогнат и при подигнување на свеста на клиентите за последиците од демографските промени, природните катастрофи, безбедноста во сообраќајот итн.

Осигурување

Осигурување Македонија со добивка од 63,1 милиони денари во првото полугодие од 2018 година

Објавено

на

Осигурување Македонија а.д. Скопје – Виена Иншуренс Груп првото полугодие од 2018 година го заврши со добивка пред оданочување во износ од 63,1 милиони денари. Во истиот период од 2017 година, Друштвото оствари добивка пред оданочување во износ од 41,4 милиони денари. (more…)

Продолжи со читање

Осигурување

Граѓаните сѐ почесто си го осигуруваат животот

Објавено

на

Надлежните информираат дека позитивен тренд е присутен во двата сегмента на осигурување. Притоа, во делот за неживотно осигурување е остварена БПП во износ од 7,55 милијарди денари, која во 2016-та изнесуваше 7,43 милијарди денари. Овој тип осигурување опфаќа 83,92 % од вкупната БПП на осигурителниот сектор и има зголемување од 1,56 процент во споредба со 2016 година.

(more…)

Продолжи со читање

Осигурување

Триглав советува: На одмор со вашиот миленик

Објавено

на

Во текот на изминатиот месец, ви понудивме неколу совети и препораки за тоа како вие да се подготвите за летен одмор, како вашето возило да го подготвите пред да заминете на одмор, а сега ве потсетуваме на советите во однос на вашиот миленик. Во продолжение најдете неколку препораки од Триглав Осигурување  доколку планирате вашиот миленик да го понесете на одмор со вас:

– Пред да заминете на одмор, однесете го Вашето куче на преглед кај ветеринар, тој ќе Ви потврди дали кучето е во добра здравствена состојба и дали може да патува;
– Неколку часа пред поаѓање, оброците на Вашиот миленик нека се состојат исклучиво од лесна храна, во планот за патување испланирајте еден допонителен час, кој ќе го намените за неколку попатни паузи;
– Не заборавајте да ја понесете потребната документација за Вашето куче, како и доказ дека редовно ги примило потребните вакцини;
– Информирајте се каде се наоѓаат најблиските ветеринарни станици во близина на местото на Вашиот престој;
– За време на престојот, погрижете се за постојано да бидете снабдени со свежа вода за Вашето куче, и што помалку изложувајте го на сонце;
– Пожелно е миленикот да има соодветна идентификација, во случај да се оддалечи од вас;
– И, иако не Ви посакуваме, сепак постои можност кучето да се изгуби, затоа со Вас носете и негова фотографија.

Ви посакуваме убав и релаксиран одмор!

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange