Connect with us

Колумни

Техники на перење пари: 4 причини зошто усогласеноста е поважна од кога било во 2019/2020 година

Објавено

на

Во текот на последните пет или повеќе години, криминалците увидоа дека каналите во финансискиот систем брзо се дигитализираат. Тоа значи дека тие би можеле да направат многу повеќе со помалку мака и работа употребувајќи ја технологијата.

Системите за спречување на перење пари мораа брзо да се ажурираат за да можат да се следат недозволените текови на пари, од огромни количини на податоци за клиентите, податоци за сметки и податоци за трансакциите. Сето ова стана невозможно службениците да го следат. Регулаторите исто така се залагаа за финансиските институции да ги подобрат своите системи со подобри алгоритми и модели за да можат да бидат во чекор со криминалците кои го користат дигиталниот бран.

Во 2019 година, криминалците користат нови начини за искористување на технологиите за нивните незаконски активности. Искористување на анонимноста и сеприсутноста во “blockchains” и производство на високо – квалитетни фалсификувани лични карти се само некои од начините на кои се прилагодуваат криминалците.

Дозволете ми да ви дадам неколку причини зошто современата усогласеност, поттикната од вештачка интелигенција е поважна од кога било:

1. Перење пари засновано врз трговија: Перењето пари засновано врз трговија (на пр. користење на трговски инструменти, како измама со акредитиви, лажни фактури, повторно насочување на бродови за подигање на нелегална стока) е од голема загриженост. Употребата на вештачка интелигенција за пронаоѓање на надворешни лица при преглед на стоки за мониторинг на стоки со двојна употреба, следење на цените, следење на бродови, како и скрининг на трговски партнери, ќе биде клучна област на фокус и развој.

2. eKYC: Во 2019/2020 година, земјите се веќе многу напредни во мобилните и дигиталните плаќања. Развиени се нови технологии за криминалците да се справат со eKYC (различно од стандардниот KYC, се елиминира потребата за пополнување физички форми и физички документи. Основна цел на eKYC е да се регистрира клиентот со најмалку количество хартија и во најкус можен рок), така што деловните активности преку Интернет клиентите можат да ги прескокнат на начин што ќе биде точен и удобен. Ова е движечка иновација и бара интерес за нови форми на лична карта и биометриска верификација. Обезбедувањето на овој предизвик ќе биде особено важно во земјите каде што има сеопфатната употреба на мобилни и дигитални плаќања.

3. Вештачка интелегенција (AI) во АМЛ: Вештачкатa интелегенција е долго дискутирана тема. Во наредниот период ќе се води трка кај финансиските институции да може материјално да ја применат и да ја операционализираат. Исто така, постои голем притисок да се осигура дека имплементацијата користи „објаснета“ вештачка интелегенција, така што финансиските институции да можат да им објаснат на регулаторите и на другите зошто одредени случаи биле обележани или можеби пропуштени. Вештачката интелигенција и нејзината голема вредност ќе допринесат во намалување на бројот на лажни позитиви и подобро откривање на финансискиот криминал бидејќи сетовите на податоци растат и стануваат посложени.

4. FRAML (fraud and AML): Организираниот финансиски криминал е тековен проблем. Постои реална потреба да ги споиме вештините, технологијата, тимовите и организациите распоредени преку измама и усогласеност. Во 2019/2020 година, финансиските институции кои развиваат комбинирана перспектива – АМЛ + измама, ќе бидат оние кои се во можност да се разликуваат и да останат пред конкуренцијата.

Во периодот што следи, регулаторите мора да прават што порелевантно законодавство а финансиските институции да се насочат кон спроведување на подобри технологии за да можат да останат во чекор со криминалците.

Христијан Блажовски

Колумни

Што се даночни раеви и како големите корпорации ги користат?

Објавено

на

Даночните приходи ја одржуваат цивилизацијата во живот. Но, не сите даночни обврзници играат според истиот пакет на правила. Со помош на адвокати, сметководители и разни професионалци, богатите и добро поврзани лица избегнуваат да плаќаат трилиони долари данок. Останатите ја покриваме разликата – вложувајќи ги нашите пари за изградба на патишта, училишта итн. Даночните раеви го овозможуваат сето тоа. Според некои проценки, околу 10 проценти од вкупното производство на сите економии во светот е сместено во офшор финансиски центри, кои ги држат “школки” компании кои постојат само на хартија. Трошоците за државите, во загубен приход, се проценува дека надминуваат 800 милијарди долари годишно. (more…)

Продолжи со читање

Колумни

Користење на технологијата за напредок

Објавено

на

Технологијата оди со огромни чекори напред. Постојано знаеме да кажеме или прочитаме дека истата ќе ни ги земе работните места. Да, вистина е технологијата можеби ќе замени голем дел од нашата физичкa работа, но тоа во иднина ќе ни овозможи да се фокусираме на работи кои што не можат да се автоматизираат. Тоа е начинот на размислување и визијата која што мора да не води напред. Ако немаме визија и ако не започнеме да вложуваме во себе промените ќе не водат нас, наместо ние да ги водиме нив. Затоа влогот во себе е влог во иднината. Доколку сакаме спремни да ја дочекаме иднината мораме да се посветиме на учење, а не само на генерално подобрување во одредени области. (more…)

Продолжи со читање

Колумни

Фискален стимул за заздравување, забрзан економски раст и фискална консолидација

Објавено

на

Минатата недела се одржа првата заедничка научна конференција на Министерството за финансии и Македонската академија на науките и уметностите (МАНУ). (more…)

Продолжи со читање



Популарно