Connect with us
P2_P_MK_1600x400

Анализи

Телеком ќе дели 26 милиони евра дивиденда – Колку ќе се “офајдат” акционерите?

Објавено

на

Македонски Телеком ќе дели дивиденда од добивката остварена за 2018 година, која овој пат изнесува солидни околу 26 милиони евра. Телекомуникацискиот оператор на акционерите ќе им подели по 18,5 денари по акција. Во сопственичкиот удел на компанијата државата учествува со 34% од акциите со право на глас, a Камени Мост комуникации АД Скопје со 51%, додека пак малцинските акционери заклучно 31.12.2018 имаат удел од 2,7%.

Собранието на Македонски Телеком АД – Скопје, на својата годишна седница одржана на ден 09.05.2019 година, ја усвои Одлуката за исплата на дивиденда на Друштвото за 2018 година и утврдување на дивиденден календар. Согласно со Одлуката на Собранието, Македонски Телеком АД – Скопје ве информира за следново: “Дивидендата за 2018 година се утврдува во вкупен бруто износ од 1.596.062.214,00 денари или бруто износ од 18,50 денари по акција (заокружено на две децимали), во кој се вклучени сите даноци, каде што е применливо, и кои ќе бидат задржани и платени од бруто дивидендата согласно со важечката даночна регулатива во Република Северна Македонија на датумот на исплатата. Сите акционери кои се евидентирани во Книгата на акционери на Македонски Телеком АД – Скопје на 30.05.2019 година имаат право на дивиденда за 2018 година. Последен ден на тргување со право на дивиденда за 2018 година беше 28.05.2019 година, додека прв ден на тргување без право на дивиденда за 2018 година беше 29.05.2019 година. Исплатата на дивидендата за 2018 година ќе се изврши на 26.09.2019 година” соопшти компанијата.

Македонски Телеком оваа година ќе исплати за нијанса поголема добивка. Лани акционерите поделија колач вреден 1,584 милијарди денари или околу 25,7 милиони евра или за околу 200 илјади евра помалку отколку за дивидендата издвоена за 2018 година. Лани поединечна акција доби исплата од 18,37 денари. Треба да се земат во предвид и даночните измени, па така годинава акционерите ќе платат и повисок данок на приход од дивиденда за 15% наместо 10%.

Анализи

Finance Think: Зголемувањето на минималната плата и пензиите може да има негативни последици

Објавено

на

По спроведената мисија со цел консултации за подготовка на Членот IV, Меѓународниот Монетарен Фонд ги оцени економските реформи во Северна Македонија со солиден потенцијал за справување со долгорочните предизвици. И покрај релативно позитивната оценка на економскиот раст, потезите во социјалната, даночната и пензиската сфера, заклучоците укажуваат на неколку економски и социјални политики, кои подолго време се дискутираат во македонската експертска јавност. (more…)

Продолжи со читање

Анализи

Предлог-буџет за 2020 вреден 3,9 милијарди – Дали е одржлив и на што најмногу ќе се троши догодина?

Објавено

на

Со Предлог буџетот за 2020 година растат социјалните трансфери, а ќе се одвојат повеќе пари за образование и здраство, ќе се зголемат платите на вработените во овие сектори, ќе се зголемат пензиите за 700 денари и ќе се плаќаат субвенции на бизнисмени за придонеси кои ќе ги зголемат платите од 600 до 6.000 денари. Според драфт верзијата на документот предвидено е и намалување на буџетскиот дефицит на ниво од 2,3% од БДП или 17.385 милиони денари во апсолутен износ. (more…)

Продолжи со читање

Анализи

Македонецот сака 565 евра просечна плата и вработување според знаења и вештини

Објавено

на

Порталот Vrabotuvanje.com.mk за време на првиот регионален онлајн саем за вработување во Македонија (Виртуелни денови за вработување 2019) спроведе истражување со цел да се откријат сличностите и разликите во условите за работа во Хрватска, Србија, Босна и Херцеговина и Македонија. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange