Реплек АД Скопје преку соопштение на Македонска берза информира дека со нетрговски трансфер претседателот на Управниот одбор, Иван Туџаров изврши пренос на сопственоста на 1.500 акции.

Долгогодишниот претседател на Управниот одбор на Реплек АД Скопје, Иван Туџаров полека но сигурно му ја препушта компанијата на својот син Никола Туџаров.

Со новостекнатите 1.500 акции, Никола Туџаров во семејната фармацевтска компанија во моментов поседува акционерски капитал од над 5 проценти или поточно 5,79% од акциите на компанијата.

За разлика од него, неговиот татко Иван Туџаров со намалувањето на акционерскиот капитал, сега поседува помалку од 5 проценти од акциите.

„Постапувајќи согласно член 38 од Правилата за котација на Македонска берза АД Скопје, РЕПЛЕК АД објавува дека со нетрговски трансфер претседателот на Управниот одбор Иван Туџаров изврши пренос на сопственоста на 1.500 акции и неговото учество е под 5 отсто.

Со истиот нетрговски трансфер лицето Никола Туџаров се стекна со 1.500 акции осносно поседува 5,79 отсто од вкупниот број на акции во РЕПЛЕК АД“, се вели во соопштението на компанијата.

Инаку, Иван Туџаров од приватни причи пред околу три недели си даде оставка од позицијата управител на Реплек АД Скопје.