Connect with us

Компании

Стратешкиот чешки инвеститор Групацијата АРИКОМА, најавува продолжување на инвестициите во ИТ експерти во Северна Македонија

Објавено

на

На денешната прес-конференција присуствуваа претседателот на Владата на Република Северна Македонија, г. Зоран Заев, амбасадорот на Република Чешка во Република Северна Македонија, НЕ Мирослав Томан, и новата странска инвестиција во земјата – акцизицијата на компанијата „Сеавус“ од страна на чешката Групација АРИКОМА, дел од ККЦГ Групацијата, која беше претставена од страна на Михал Томанек, директор за инвестиции одговорен за ИТ на Групацијата АРИКОМА, како и Игор Лештар, претседател на одбор на Групацијата „Сеавус“.

Станува збор за влегување на македонскиот пазар на инвеститор од Европската Унија, Групацијата АРИКОМА, една од најголемите чешки групации, дел од ККЦГ Групацијата, која е приватна мулитнационална финансиска и ивестициска групација основана во 1995 година, со канцеларии во Швајцарија, Чешка, Белика Британија и САД, со вкупна вредност на капиталот од 7 милијарди евра и 5 милијарди евра приходи, и 6.000 вработени во 22 земји во светот.

На крајот на минатата година компанијата „Сеавус“ е аквизирана од страна на Групацијата АРИКОМА, која ја сочинуваат ИТ-компании фокусирани на развој на прилагодени софтверски решенија, ИТ-инфраструктура и развој на клауд-решенија. Групацијата АРИКОМА преку значителни инвестиции за развој на ИТ-услугите е водечка компанија на пазарите во Чешка и во Словачка и нуди целосни ИТ-услуги, а со купувањето на „Сеавус“, влегува и на македонскиот пазар, но и значително го зголемува своето меѓународно присуство. Од  Групацијата АРИКОМА изјавуваат дека ќе продолжат да инвестираат во вработување и развој на ИТ-експертите во Северна Македонија и ќе ги унапредат  вложувањата во развој на сите ИТ-кадри преку едукативните центри на „Сеавус“.

„Искуствата кои ги стекнавме оваа година ни даваат  право да кажеме дека дигиталната трансформација се одвива многу побрзо отколку што се очекуваше. Амбицијата на  Групацијата АРИКОМА да стане лидер во пошироки рамки и предводник на таа трансформација совршено се вклопува со мисијата, вредностите и позицијата што ги има ‘Сеавус’ не само во Северна Македонија туку и пошироко. Оттука, продолжуваме силно да инвестираме во развој на ИТ-кадрите во Северна Македонија, да ги споделуваме меѓународните искуства, продолжуваме да бидеме бизнис-инкубатор и да ја промовираме и понатаму ИТ-експертизата на македонските професионалци на меѓународен план. Ги поздравуваме заложбите на Владата на Република Северна Македонија за овозможување бизнис-клима за развој на ИТ-секторот, во кој „Сеавус“ беше, е и ќе остане двигател на растот на дигиталното општество, но и пример за сите сегашни и идни претприемачи и странски инвеститори“, изјави Михал Томанек, директор за инвестиции одговорен за ИТ, Групација АРИКОМА.

Компанијата „Сеавус“ е групација основана во 1999 година, која вработува 800 професионалци во 15 канцеларии во 8 земји во светот: Северна Македонија, Шведска, САД, Србија, Босна и Херцеговина, Белорусија, Швајцарија и Молдавија, со преку 4.000 клиенти меѓу кои светски телеком-оператори и производители на мобилни и електронски уреди, организации од банкарскиот и финансискиот сектор, технологија, образование, здравство, компјутерски игри – сериозни компании кои котираат на светските берзи.

„Придонесот на ‘Сеавус’ во земјата е значаен не само како поттик кон иновациите и претприемништвото, развојот на ИТ-индустријата и кадрите, но и во однос на економијата и поддршката на заедницата. Верувам дека со силен стратешки партнер како АРИКОМА ќе ги забрзаме иновациите и уште повеќе ќе ги зајакнеме нашите позиции на меѓународниот пазар. Тоа практично ќе ни овозможи да одговориме на предизвиците на новото време, да понудиме иновативни и квалитетни услуги и софтверски решенија од следната генерација за нашите клиенти, развиени и имплементирани токму од нашите луѓе, од нашите ИТ-експерти“, истакна Игор Лештар, претседател на управниот одбор на  Групацијата „Сеавус“.

Новата инвестиција ја поздрави и НЕ Мирослав Томан, амбасадор на Република Чешка во РСМ кој ја истакна важноста на поединечните инвеститори во развојот на трговските, но и севкупните билатерални односи на двете земји.

„Република Чешка e долгорочен силен поддржувач на Република Северна Македонија во однос на НАТО и ЕУ. Изминатата година поддршка беше обезбедена не само во справување со кризата со Ковид-19, туку и во повеќе други области. Искрена благодарност до сите кои работеа на реализација на оваа чешка инвестиција во капитал, знаење и технологии. Со инвестицијата која ја презентираме денес, ‘Сеавус’ добива одговорен и перспективен сопственик. Компанијата ККЦГ основана од Карел Комарек е една од најголемите бизнис-групации во Република Чешка, која работи во Еврoпа и САД и искрено се надевам дека со оваа аквизиција придобивки ќе има и Република Чешка и Северна Македонија и дека овој пример е вистинска добитна комбинација за компаниите и економиите“, изјави НЕ Мирослав Томан, амбасадор на Република Чешка.

Претседателот на Владата на Република Северна Македонија ја поздрави оваа инвестиција како основа за понатамошен раст на успешни македонски компании во насока на зголемување на вработувањата, развој на ИТ-професионалците и поттик за понатамошен развој на ИКТ секторот во земјата како важна индустријата која значително придонесува во економскиот развој на земјата и економијата базирана на знаење.

„Човечкиот потенцијал секогаш бил и натаму останува највредниот ресурс на компанијата, бизнисот, на севкупното општество.  Токму лицата од ИТ-секторoт покажаа голем потенцијал за развој на оваа дејност во нашата земја. Македонскиот ИКТ-сектор во последните години бележи постојан раст во број на компании и вработени, раст на извозот, на профитот и на приходите. Оваа индустрија е најбрзорастечка во земјава, која ги вработува најмладите и најпрогресивни граѓани. Нашите заложби се насочени кон натамошно подобрување на условите за работа, кои треба да ја раздвижат ИКТ-индустријата и да овозможат забрзана дигитализација на компаниите. За таа цел еден од приоритетите во Владината програма е намалување на персоналниот данок во ИТ-секторот од сегашните 10 отсто на 0 отсто во 2023 година. Тоа треба да биде доволен поттик за натамошен развој на оваа индустрија“, истакна Зоран Заев, претседател на Владата на Република Северна Македонија.

Согласно податоците од Централен регистар во Република Северна Македонија, ИКТ-индустријата расте по сите основи. Генералниот приход на индустријата во 2016 година бил 752 милиони евра, додека во 2019 година бил 880 милиони евра. Тоа е раст од 17% за три години. Вкупниот број на компании регистрирани во ИКТ-секторот од 2016 година, кога биле 1,296 пораснал на 1,957 во 2019 година, што е пораст за околу 700-тини компании за само 4 години. Бројот на вработени од 10,975 во 2014 година, пораснал на 15,093 во 2019 што е пораст за приближно 50%. Ова е значителен пораст на вработените во една индустрија.  Значаен пораст бележи извозот на ИКТ-софтвер и услуги, кој во 2016 година бил 150 милиони евра, а во 2019 година пораснал до 210 милиони евра, што е пораст за 40%.

Компании

КаСис бележи раст на добивката во 2020 и најaвува нови инвестиции за дигитални технологии во 2021

Објавено

на

Процесинг центарот Интернационален Картичен Систем АД Скопје (КаСис) реализираше забележителни резултати во 2020 година и покрај отежнатите услови за функционирање и ограничувањата што ги наметна пандемијата. Во периодот од 01.01.2020 до 31.12.2020 година КаСис оствари нето добивка за финансиската година во износ од 45.568.241 илјади денари, што е за 75% поголема од нето добивката за 2019 година. (more…)

Продолжи со читање

Компании

Зголемете го вашето присуството на пазарот со myWorld Partner програмата

Објавено

на

Најголемата меѓународна програма за лојалност на потрошувачи кај малите и средни претпријатија, myWorld (мајВорлд), е во постојан раст, како во светот така и кај нас. Според последните анализи, во Македонија секој месец просечно по 10 нови трговски партнери започнуваат да ја користат мајВорлд партнер програмата (myWorld Partner Program). (more…)

Продолжи со читање

Компании

Квалификувани сертификати за безбедно дигитално работење

Објавено

на

Секоја компанија којашто решава да го започне процесот на дигитализација има иста цел – да ја унапреди работата и ефикасноста, а истовремено да обезбеди сигурност и заштита на податоците и документите. Квалификуваните сертификати за електронски потпис и печат овозможуваат електронско потпишување документи со највисоко ниво на заштита и доверба. (more…)

Продолжи со читање


Популарно