Connect with us

Домашни банки

Стопанска банка а.д Битола со нови престижни награди и меѓународни признанија од реномираниот магазин ,,Global Banking & Finance’’

Објавено

на

Светски познатиот, реномиран финансиски магазин ,,Global Banking & Finance’’ на Стопанска Банка АД Битола по трет пат и ги додели наградите за најдобра банка за работа со физички лица и најдобра банка за работа со правни лица за 2017 година.

,,Global Banking & Finance’’ секоја година доделува престижни награди на банките кои се истакнуваат со својата експертиза во финансискиот свет. Наградите се одраз на иновациите кои банките ги вклучуваат во своето работење, креираните стратегии како и на прогресивноста на промените во работењето на банката како целина.

За престижноста на наградите кои се добиваат говорат фактите поврзани со овој магазин. Тој е еден од светските водечки извори за информации во финансискиот и банкарскиот свет. Трендовите кои се развиваат во светски рамки се под постојан мониторинг од искусните новинари на магазинот, истражувачките тимови и уредниците кои во постојан чекор со промените кои се случуваат во рамките на глобалните финансии носат одлука наградите да ги доделат на банките кои исклучително се истакнуваат со своето работење во одредена област.

Да се биде дел од листата на ,,избраните’’ на ,,Global Banking & Finance’’ претставува вистинска привилегија. Овие награди се само уште едно признание и потврда на напорната работа на Стопанска Банка АД Битола и нејзината посветеност кон постојано усовршување.

Овој водечки интернет и печатен медиум е препознатлив по своето избалансирано размислување и оценување и постојаните обиди за јасно и прецизно изнесени независни вести во рамките на глобалната финансиска заедница.

Наградените резултати и успехот на Стопанска Банка АД Битола добиваат светска потврда бидејќи ,,Global Banking & Finance’’ е магазин кој се чита во повеќе од 200 држави и секојдневно до милиони читатели стигнуваат неговите вести кои се објавуваат и преку други светски познати портали.

Наградите за најдобра retail банка и најдобра банка за работа со правни лица за 2017 година се дел од низата на признанија на банката која неуморно и посветено работи на тоа да биде препознаена и призната како стабилна банкарска институција чија успешна приказна ќе биде уште долго раскажувана и наградувана.

Домашни банки

Централна кооперативна банка АД Скопје со добивка

Објавено

на

Во второто тримесечје од 2018 година, Банката оствари позитивен финансиски резултат, кој е на линија на поставените цели од деловниот план. Како резултат на континуираниот нагорен тренд во доменот на кредитирањето, при истовремено задржување висок квалитет на кредитното портфолио и насоченоста кон подобрувањето на оперативната ефикасност, евидентиран е пораст на каматните приходи од 6,56% во однос на истиот период од минатата година. Банката бележи и значителен раст на депозитите, особено во сегментот население. Растот на депозитите генерираше зголемени расходи за камата за 7,41%, но, сепак, нето-ефектот кај приходите од камата е позитивен и е зголемен за 6,14% во однос на истиот период минатата година.

Поради определбата на Банката за зголемување на обемот на работа преку понуда на промотивни и подостапни услуги за своите клиенти, нето-приходите од провизии и надоместоци бележат намалување за 5,50%, споредено со истиот период минатата година.

Банката во второто тримесечје го задржа одличниот квалитет на кредитното портфолио и покрај евидентираниот мал раст на исправката на финансиските средства. Зголемувањето на исправката делумно  произлегува од растот на кредитното портфолио, а дел од последователното мерење на кредитниот ризик на зрелото кредитно портфолио. Во овој период Банката нема евидентирано нови преземени средства и, соодветно, нема издвоено загуба поради оштетување на нефинансиските средства.

Во делот на останатите приходи од дејноста, Банката го задржа речиси истото ниво во однос на минатата година, додека кај нето-приходите од курсни разлики, оствари незначително намалување.

Позицијата трошоци за вработените забележа зголемување за 5,42% во однос на минатата година, поради растот на бројот на вработените и континуираното вложување во постојните вработени.

Напредокот во делот на оперативната ефикасност се гледа и преку остварените заштеди евидентирани во позицијата останати расходи од дејноста, при што истите се за 2,60% пониски од минатата година.

Продолжи со читање

Домашни банки

Сити Банка ја награди Комерцијална банка како најдобра во меѓународните плаќања во 2017 година

Објавено

на

Како признание за брзината и квалитетот на меѓународните плаќања во долари и оваа година Комерцијална Банка АД Скопје е добитник на Best Performance STP Excellence award од  Citi Bank: 2017 US Dollar payments STP Excellence Award – Best Performance. (more…)

Продолжи со читање

Домашни банки

МФ, УЈП и МБА ќе соработуваат за целосна заштита на податоците на граѓаните

Објавено

на

Министерството за финансии и Управата за јавни приходи одржаа состанок со Македонската Банкарска Асоцијација во врска со Предлог-законот за изменување и дополнување на Законот за банките. Беше договорено прецизирање на текстот кое ќе се имплементира во новиот текст на Законот.

Управата и со постоечкиот закон добива податоци за сметките на граѓаните на писмено барање. Со промените би се добивала само приходната страна по автоматизам, за останатите податоци Управата и понатаму ќе мора да поднесе писмено барање. Трошењата на граѓаните и состојбата на сметката не и се потребни на УЈП за изработка на претпополнетата даночна пријава.

Податоците кои ќе ги добива УЈП ќе бидат „енкриптирани“ со цел да се заштитат личните податоци на граѓаните. Ова ниво на заштита е повисоко и од актуелното. Во насока на заштита на личните податоци, веќе се подготвуваат промени во Законот за Управата за јавни приходи.

Промените ќе стапат на сила од почетокот на 2019 година, бидејќи истите се потребни за изработка на претпополнетата годишна даночна пријава. Со ова како и во најголем дел од Европските земји граѓаните ќе се ослободат од пополнување на годишната даночна пријава.

Нема никакви промени кај третманот на дознаките од странство. Ова значи дека и понатаму ќе се применува постоечкото законодавство, според кое приливите по основ на лични трансфери, помош и подароци не се оданочуваат со персонален данок на доход.

УЈП и Македонската Банкарска Асоцијација ќе ја продолжат соработката со цел успешно да се имплементира законот.

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange