Стопанска банка АД – Скопје и оваа година застанува на страна на културата и на страна на традицијата преку покровителството на НУ Охридско лето и на манифестацијата „Галичка свадба“.

Преку постојаната поддршка за проекти и настани од огромно значење за нашата култура, Стопанска банка АД – Скопје ја демонстрира својата заложба и грижа за заедницата и нејзините традиции и вредности.

Охридско лето оваа година го има своето 61 издание и во периодот од 12 јули до 12 август ќе донесе голем број концерти, претстави и перформанси. Повеќе за програмата и билетите дознајте на веб страницата на НУ Охридско лето.

Галичка свадба оваа година се одржува од 17 – 18 јули во полн сјај, со сите традиционални обичаи. Катерина и Филип се младиот брачен пар кој оваа година ја има честа да бидат домаќини на настанот. Стопанска банка АД – Скопје им посакува среќа, слога и љубов и секако успешна реализација на традиционалната Галичка свадба. Повеќе информации за настаните и програмата во Галичник дознајте на Facebook страницата на Месната Заедница Галичник.

Стопанска банка АД – Скопје продолжува да гради, создава, поддржува и остварува, но притоа не заборава на јавното здравје. Оттука, Стопанска банка АД – Скопје апелира е до сите учесници и посетители на културните настани да ги применуваат мерките за заштита и да се грижат за себе и за своите најблиски.