Connect with us

Останато

Стартап од Ниш продаден за 165 милиони евра

Објавено

на

Српско-американската фирма Frame која пред шест години ја покренале тројца Нишлии е продадена за дури 165 милиони долари на американската софтверска cloud компанија  Nutanix, што е и најголема јавно позната аквизација за еден стартап од Србија.

Бизлајф.рс ја пренесува оваа информација а се додава и дека купувачот, фирмата Nutanix е софтверска cloud computing компанија основана во 2009 година чија вредност изнесува вртоглави девет милијарди долари.

Колку продажбата на фирмата која постои само шест години за дури 165 милиони евра е голем успех покажува споредбата со инвестициите од оваа големина во соседна Србија.

Приказната за компанијата Frame ја покренале тројца Нишлии во 2012 година. Тогаш уште некој вид сервис, прв пат е претставен во јавноста во половината на 2013та. Во тоа време како стартапт под името „Mainframe2“ во почетокот на 2015 е ребрендиран во Frame (Fra.me).

Сопствениците тогаш најавија нова фаза на работата на компанијата, ширење на корисничкиот круг на самите корисници, но и нови вработување во Србија, како што пренесува бизлајф.рс.

Еден од покренувачите на компанијата Никола Божиновиќ тогаш рекол дека тимот неколку месеци работел на подготвување производи за широка корисничка база. Во повеќе од 100 000 луѓе ги покренале своите апликации по пат на овој cloud сервис, а меѓу клиентите наскоро се најдоа и познати Fortune 30 компании.

Поентата на целата приказна е во тоа што крајните корисници со користење на ова револуционерно решение може да ги централизираат своите апликации и да ги користат во било кој компјутер, директно од пребарувач.

Кога она што се прави за Frame се преведе на обичен јазик, она со што се занимава оваа фирма станува јасно. Имено, било кој компјутер може да покрене некои од програмите како Photoshop  и AutoCat, a се што е потребно за тоа е само стабилна интернет врска.

Во јуни 2015-та станаа главна вест бидејќи ги подигнаа “Series A” рундата инвестиции во висина од 10 милиони долари. Тоа беше најголемата поединечна инвестиција во еден домашен стартап, а само месец дена подоцна сервисот е лансиран и глобално, со дата центри во Калифорнија, Северна Вирџинија, Ирска, Германија, Јапонија, Австралија и Бразил.

Останато

Градежна комора: Растот на трошоците го диктира растот  на цената на квалитетните станови

Објавено

на

Градежната комора на Македонија информира дека трендот на пораст на трошоците за градежни материјали, но и за вработените во градежните компании се случува во континуитет. Последните податоци на Државниот завод за статистика (ДЗС) само ја потврдуваат состојбата и покажуваат дека трошоците во градежништвото за нови објекти за индивидуално домување во четвриот квартал од минатата година во однос на тој квартал од претходната година, се повисоки за 5,9 отсто, трошоците за материјали се повисоки за 3,2 отсто и трошоците за вработените се повисоки за 13 отсто. (more…)

Продолжи со читање

Останато

Тевдовски: Бесплатни банкарски сметки за ранливите категории

Објавено

на

Бесплатни банкарски сметки за ранливите категории е предвидено во работната верзија на Законот за платежни услуги и платни системи што го подготвува Министерството за финансии во соработка со Народна банка, најави денеска министерот за финансии Драган Тевдовски на потпишување на Меморандум за финансиска инклузија.

“Работната верзија предвидува сметката со основни функции да биде бесплатна за ранливите категории, односно по закон ќе добијат бесплатни услуги за отворање, водење сметка, уплати и исплати. За останатите потрошувачи, платежната сметка со основни функции ќе биде со разумен надоместок. Ќе напоменам, дека за да се отвори сметката, граѓаните не треба да поседуваат друга сметка со основни функции на свое име, како и дека на оваа сметка нема да можат да одат во минус”, изјави министерот за финансии Тевдовски.

Исто така, се воведуваат решенија во Законот за платежни услуги и платни системи, што ќе доведат до либерализација на пазарот на платежни услуги. Ова ќе придонесе за засилена конкуренција и нови, иновативни начини на плаќање, лесно достапни и со помали трошоци, рече Тевдовски.

Тевдовски посочи дека ова е првиот чекор кон поголема финансиска инклузија, што предвидува сите да имаат пристап до финансиски услуги и тоа на лесно достапен, безбеден начин и под прифатливи цени.

“Придобивките од финансиската инклузија се повисок раст на БДП и помала доходовна нееднаквост. Анализите на Меѓународниот монетарен фонд покажуваат дека преку обезбедување на пристап до сметки, кредити, за жените, за ранливите категории, се овозможува побрз и поинклузивен економски раст. Друга придобивка од финансиската инклузија е дека таа привлекува повеќе луѓе во формалниот сектор, што во фискалниот дел значи повеќе приходи во буџетот. Повеќе приходи во буџетот пак значат подобро здравство, образование, инфраструктура и други јавни услуги”, рече Тевдовски.

Финансиската едукација е исто така значаен инпут во финансиската инклузија, рече министерот за финансии. Тој ги повика заинтересирани училишта кои би сакале да организираат посети за учениците на Министерството за финансии или да им се организираат предавања во училиштата, да се пријават на маилот edukacija@finance.gov.mk.

Продолжи со читање

Осигурување

СЕ ЗГОЛЕМУВА КОНКУРЕНЦИЈАТА: Заваровалница Триглав е третиот пензиски фонд на македонскиот пазар

Објавено

на

Агенцијата за супервизија на капитално финансирано пензиско осигурување (МАПАС) издаде дозвола за основање на друштво за управување со задолжителни и доброволни пензиски фондови на Заваровалница Триглав ДД Љубљана, Република Словенија. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange