Connect with us

Останато

Со новите измени на законот за банки, царината ќе има увид во банкарските сметки на граѓаните

Објавено

на

Банкарските сметки на граѓаните нема повеќе да бидат банкарска тајна за Управата за јавни приходи и за Царинската управа. Владата го менува Законот за банки со што УЈП ќе добие слободен пристап до документите, трансакциите и депозитите на граѓаните во секое време.

Царинската управа, пак, ќе има увид во овие податоци со поднесување на писмено барање до банките. Во образложението на законот, кој деновиве е ставен на јавна расправа на ЕНЕР стои дека со овие измени ќе се овозможи Царината да врши присилна наплата на царинските давачки а УЈП полесно да ги изготвува годишните даночни пријави за следната година.

„УЈП од 2019 година ќе изготвува даночна пријава за секој даночен обврзник. Заради поедноставување на постапката, УЈП има потреба да добива податоци за остварените приходи на даночните обврзници по сите основи, без поднесување на поединечно барање, а во согласност со Законот за заштита на личните податоци. Царинската управа има потреба од податоци за трансакциската сметка на граѓаните, заради спроведување на законската обврска за присилна наплата на царинските давачки.“

До сега УЈП добиваше податоци од банките само со претходно писмено барање, а во Законот за банки не беше предвидено Царината да ги добива на увид трансакциските сметки на граѓаните.

Јавната расправа за законот ќе трае уште петнаесетина дена. Од Министерството за финансии, велат дека со измените засегнати страни се банките и граѓаните кои имаат трансакциски сметки и тие можат да се вклучат во јавната расправа со свои сугестии. Но засега, нема никакви коментари на законот.

Извор: www.24.mk

Останато

Уапсени членови на меѓународна група која ограби сефови во две македонски банки

Објавено

на

Обвинителството за организиран криминал отвори истрага против седуммина осомничени за ограбување сефови во две македонски банки, објави Сакам да кажам. (more…)

Продолжи со читање

Останато

Потпишан меморандум за соработка помеѓу ЗВРМ и ИОРРМ

Објавено

на

На 09-ти Јануари 2019 година, Здружението на Внатрешни Ревизори на Македонија (ЗВРМ) и Институтот на овластени ревизори на Република Македонија (ИОРРМ) потпишаа Меморандум за соработка, со кој се потврдува взаемната соработка за подигнување на професијата Внатрешен Ревизор и Овластен Ревизор на повисоко ниво, промовирање на стручноста, знаењето и професионалноста на своите членови. (more…)

Продолжи со читање

Останато

УЈП РАЗВИ МОДУЛ ЗА АВТОМАТСКИ ПОВРАТ НА ДАНОЦИ

Објавено

на

Директорката на Управата за јавни приходи, Сања Лукаревска, во придружба на Министерот за финансии, Драган Тевдовски, разговараа за реализираните проекти и реформите на УЈП во изминатата година како и за активностите на коишто Управата за јавни приходи ќе се посвети во текот на 2019 година. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange