Connect with us

Странски банки

Соња Саркози е новиот Претседател на Извршниот одбор на Sberbank Europe Group

Објавено

на

Управниот одбор на Sberbank Europe Group ја назначи Соња Саркози, која до сега е директор на Секторот за малопродажба, за нов Претседател на Извршниот одбор на Sberbank Europe Group. Таа ќе го замени Герхард Ренд, кој сега е на таа позиција, на 1 јули 2018 година. Герхард Ранда, кој во изминатите две години значително придонесе за реструктуирање и позиционирање на Sberbank Europe Group, и тоа на две значајни позиции во банката, како Претседател на Извршниот одбор, а пред тоа, како член на Управниот одбор на Сбербанк Европа. Новиот избор настана бидејќи Герхард Ренд се пензионира на крајот од јуни 2018 година.

Sberbank Europe Group имаше добар почеток на годината. Сите членови на групацијата објавија добивка, со што придонесоа за вкупната добивка на Sberbank Europe Group во износ од 15,9 милиони евра во првиот квартал од 2018 година.

– Би сакал да му се заблагодарам на Герхард Ранд за неговиот голем придонес во севкупниот успех на Sberbank Europe Group и нејзините членки во текот на изминатите две години. Со Соња Саркози, Претседател на Sberbank Europe Group, ќе продолжиме да го развиваме нашиот бизнис во Европа – рече Зигфрид Вулф, Претседател на Европскиот одбор за управување со Sberbank Europe Group.

Во Sberbank Europe Group, Соња Саркози ја започна имплементацијата на малопродажната стратегија. Главен фокус е ставен на малопродажните и дигиталните банкарски услуги. Пред да се приклучи на Sperbank Europe Group во август 2017 година, Соња Саркози успешно ја менаџираше Easybank AG како извршен директор на Банката.

Од 1 јули 2018 година, Управниот одбор на Sberbank Europe Group ќе се состои од следните членови:

  • Соња Саркози (Претседател на Извршниот одбор, Директор на Секторот за малопродажба)
  • Арндт Рохлинг (Финансиски директор)
  • Стефан Запотоки (Директор на Секторот за корпоративно и инвестициско банкарство)
  • Александар Вите (Директор на Одделението за управување со ризици)
  • Алексеј Михајлов (Технички директор)

Странски банки

Шиф: Големите банки пред ризик поголем од било кога

Објавено

на

Светот се соочува со нова економска криза, која ќе биде поголема од онаа пред десет години, предупредува американскиот економист Нуриел Рубини, Со него се согласни голем број колеги меѓу кои и Питер Шиф .

– Големите банки се пред голем ризик, многу поголем отколку порано. Денес се повеќе се изложени на удар од рецесија, системските ризици се многу поголеми отколку што беа во 2008 година, изјави Шиф. Тој додаде дека некои од тие банки требало да пропаднат пред десет години.

– Социјалниот мир што некои влади го заговараа всушност е грешка и спасени се банки на кои требаше да им се дозволи да пропаднат. За жал, од последната криза не се научени лекции. Ги повторуваме и ги прошируваме сите грешки што ја предизвикаа последната криза, и така „обезбедија“ следната криза да биде многу полоша, нагласи Шиф.

Според него, сите проблеми што ја предизвикале финансиската криза од 2008 година денес се уште поголеми.

– Се полошата монетарна и фискална политика од минатата криза гарантира дека следната ќе биде многу полоша. Кризата ќе биде слична единствено по тоа што виновниците ќе бидат и владите и што оддеднаш сите ќе бидат изненадени, но ќе биде поинаква само по тоа што ќе биде многу полоша, смета Шиф.

Тој додава дека и новата криза за разлика од претходната ќе ја карактеризира пред се, должничкото ропство во САД.

– Националниот долг ќе биде појдовна точка, епицентар на кризата, а доларот ќе се урне, цените на златото пак ќе се зголемат, ќе растат цените на потрошувачките стоки, предупредува тој економист.

Продолжи со читање

Странски банки

ЕЦБ: Новите банкноти од 100 и 200 евра ќе бидат пуштени во промет во мај 2019

Објавено

на

Новите банкноти од 100 и 200 евра ќе влезат во оптек на 28-ми мај следната година, објави денеска Европската централна банка (ЕЦБ).

Денес, новите банкноти се презентираат јавно за прв пат во седиштето на ЕЦБ во Франкфурт.

Нивниот нов дизајн има за цел да го отежни фалсификувањето. ЕЦБ веќе претстави побезбедни банкноти од 10, 20 и 50 евра.

Банкнотите од 500 евра повеќе нема да бидат печатени. Во 2016-та година, институцијата одлучи да ги повлече банкнотите од 500 евра кои наводно ги користеле во сите видови нелегални трговии до крајот на 2018-та година.

Новата банкнота од 5 евра беше лансирана во 2013-та година, од 10 евра во 2014-та година и 20 евра во 2015-та година, додека новата банкнота со номинација 50 беше воведена во 2017-та година.

Продолжи со читање

Странски банки

Дали Дојче Банк може да пропадне?

Објавено

на

Во Франкфурт се одржа собир на банкарскиот сектор под насловот: банките во преломна фаза. Главна дискусија се разви кога еден аналитичар изјави дека на германските банките не им гледа светла иднина.

Аналитичарот Стјуарт Греам почна со изјавата дека не сака да биде Црниот Петко на самитот. „Сепак морам да ви кажам дека речиси сите мои клиенти сметаат дека германскиот банкарски систем не е добар за во него да ги вложат нивните пари.”

Греам во финансиската сектор ужива голем углед како аналитичар. Меѓу неговите клиенти во фирмата „Autonomous Research” има многу од најпотентните инвеститори на светот. А, тие како и самиот Греам очигледно имаат песимистичка слика за германскиот банкарски систем.

„По ниската оцена на пазарот на акции, јасно се гледа дека инвеститорите имаат големи задршки во однос на овие банки.” – додаде тој.

Шефот на Дојче банк, Зевинг вели дека компанијата успешно се позиционирала „во дел од платежниот сообраќај”, но нема споредба со класичните банки и затоа технолошката компанија не ги гледа како конкуренција.

 

Продолжи со читање
P2_P_MK_300x250
[ccpw id="39761"]

Популарно

Copyright © 2018 bankarstvo.mk. All Rights Reserved. Developed by Digital Orange