Connect with us

Платежни картички

Совети од НЛБ Банка за безбедно чување и користење на платежни картички

Објавено

на

Третирајте ги Вашите платежни картички како готовина! 

За безбедно и сигурно користење на Вашите платежни картички, НЛБ Банка подготви неколку корисни совети за своите клиенти.

Совет број 1: Картичката чувајте ја на сигурно место

Чувајте ја картичката во Вашиот паричник и секогаш по Вашето пазарување, проверете дали сте ја вратиле на место. Чувајте ја вон дофат на други лица и не ја споделувајте трансакциската сметка, освен во случаи кога тоа е побарано од одговорните лица на Банката.

Совет број 2: Запомнете го ПИН кодот и не го споделувајте со други

Обидете се да го запомните ПИН кодот и осигурајте се комбинацијата на бројките да биде уникатна. Не употребувајте броеви кои го сочинуваат Вашиот датум на раѓање, телефонски број или други лесни комбинации. ПИН кодот треба да го знаете само Вие, не споделувајте го со никого, дури и во случај да биде побарано тоа од Вас.

Совет број 3: Доколку добиете СМС порака со непозната содржина и детали за трансакција, веднаш пријавете на 02 / 15 – 600

Доколку добиете СМС порака од испраќач со непозната содржина, со информации за направена трансакција на одредено место, веднаш пријавете на телефонскиот број од контакт центарот на Банката. Не воспоставувајте никаков контакт и не враќајте на пораката.

Совет број 4: Не ја давајте картичката да ја користат други лица

Пристап до Вашата картичка треба да имате исклучиво Вие. Никогаш не дозволувајте Вашата картичка да биде надвор од Ваша сопственост или контрола.

Совет број 5: Во случај на кражба или губење на картичката веднаш пријавете на 02 / 15 600

Пријавете ја веднаш изгубената или украдената картичка на телефонскиот број од контакт центарот. Одговорните лица во Банката ќе реагираат навремено со блокирање на Вашата картичка и бројот на сметката. На тој начин ќе се спречи злоупотреба на Вашите средства.

Совет број 6: При користење на банкомат бидете внимателни и свесни за Вашето опкружување

Избегнувајте користење на банкомат во напуштени области кога сте сами, особено навечер. Користете банкомати кои се наоѓаат во Банката или каде што има поголема фреквенција на луѓе. На јавни места, користете банкомати кои се добро осветлени. Не прифаќајте помош од други лица за трансакциите кои ги извршувате на банкоматот. Секогаш избегнувајте прикажување на готовина, а по подигнување на износот не заборавајте да проверите дали истиот одговара со испечатената потврда.

Совет број 7: Во случај на резервирање на средства од Вашата картичка, секогаш точно информирајте се за задржаниот износ и за времетраењето на задржување на средствата

Пред да ја користите Вашата дебитна картичка за да направите некакви резервации, информирајте се детално дали ќе бидат задржани средства од неа и побарајте информации за точниот износ и колку долго тие ќе бидат резервирани. Ако не сакате Вашите пари да бидат резервирани на подолго време, тогаш одлучете се да користите кредитна картичка.

Совет број 8: Не ја доближувајте картичката до магнети, бидејќи можат да ги избришат податоците зачувани на магнетната лента на картичката

Магнетните ленти на кредитните картички содржат важни информации за Вашите финансиски податоци. Доколку ги доближите до магнет, може да дојде до бришење на овие зачувани податоци, а картичката во ваков случај ќе стане бескорисна.

Преземањето на оваа содржина не е дозволена без согласност од Редакцијата на Банкарство.мк

Платежни картички

Изработил лажна платежна картичка и потрошил 135.000 денари!

Објавено

на

Надворешната канцеларија за криминалистички работи Пробиштип поднесе кривична пријава против Г.С.(21) од Пробиштип, поради постоење основи на сомнение за сторено кривично дело „изработка и употреба на лажна платежна картичка“.

(more…)

Продолжи со читање

Платежни картички

Роковите поминаа, дел од студентите одбиени за домашна платежна картичка иако исполнуваат услови

Објавено

на

Дел од студентите останаа без денар доделен од Владата, голем дел од младите до 29 години не ја добија најавената владина помош во износ од 3.000 денари преку домашната платежна картичка. (more…)

Продолжи со читање

Домашни банки

Стопанска банка АД – Скопје издаде 100.000 платежни картички од проектот „Купувам Домашно“

Објавено

на

Стопанска банка АД – Скопје заклучно со 18.07.2020 година издаде 100.000 платежни картички од проектот и процесот на издавање продолжува и понатаму. (more…)

Продолжи со читање

Популарно