Connect with us

Домашни банки

Совети од НЛБ Банка за безбедност при онлајн купување

Објавено

на

НЛБ Банка се грижи за своите драги и почитувани клиенти и затоа креираше совети со цел да им помогне да заштедат повеќе финансиски средства, да обезбедат сигурност на банкарските трансакции, лесно да ги користат електронските сервиси и поедноставно да се соочуваат со секојдневните ситуации.

Со цел да им обезбеди на своите клиенти максимална сигурност на нивните платежни картички и лични податоци, подготви совети за безбедност при онлајн купување.

Совет број 1: Правете нарачки од сигурна конекција

Ако купувате на интернет користејќи безжична мрежа, потребно е таа да се заштити со сигурна лозинка, за да не дојде до крадење на Вашите информации. Избегнувајте да правите финансиски трансакции кога користите јавна мрежа. Заштитете го Вашиот компјутер од потенцијални вируси со користење на антивирусни софтвери.

Совет број 2: Истражете ја веб страницата од која купувате

Практикувајте да купувате од веќе познати интернет продавници. Доколку не сте сигурни, побарајте мислење од луѓе кои ги познавате и кои имале позитивно искуство при користење на услугите на е-продавницата. Уверете се во легитимноста и веродостојноста на онлајн продавницата, така што ќе истражете на интернет за искуството на други потрошувачи и ќе ги прегледате препораките.

Совет број 3: Креирајте уникатна и сигурна лозинка

При онлајн купување, најчесто треба да креирате корисничко име и лозинка. Некои веб-страници дозволуваат да направите нарачка како гостин и да го прескокнете овој чекор, па ако не ја користите е-продавницата често, не правете го ова. Ако сакате да отворите корисничка сметка, користете единствена и силна лозинка. Лозинките треба да содржат комбинација од големи и мали букви, бројки, интерпукциски и други специјални знаци.

Совет број 4: Познавајте ги Вашите права и политиката за враќање на производите

Најчесто, секоја интернет продавница има одредени услови и практики за заштита на податоците на купувачите и право на враќање на производите. Пред да направите одлука за купување, информирајте се детално за условите – политика на приватност, период на откажување, враќање на производите, поврат на средства и слично.

Совет број 5: Не споделувајте премногу лични информации

При онлајн шопинг, од Вас ќе биде побарано да внесете начин на плаќање, адреса за испорака, телефонски број, како и е-пошта. Доколку трговецот Ви бара и други лични информации како датум на раѓање, единствен матичен број или број на трансакциска сметка, не ги внесувајте. Некои компании ќе постават прашања за Вашите интереси, но овие информации секогаш треба да бидат по избор и треба да бидете претпазливи во давањето одговори. Проверете ја политиката на приватност на страницата за да дознаете со која цел се собираат овие информации. Користете услуги од компании кои ја почитуваат Вашата приватност.

Совет број 6: Редовно проверувајте го извештајот за Вашата сметка

Не чекајте го месечниот извештај за да добиете информации за Вашите кредитни и дебитни картички. Проверете ја состојбата и прегледајте ги сите трансакции онлајн, користејќи НЛБ електронско или мобилно банкарство. Опцијата НЛБ мКлик Ви овозможува и добивање нотификации за секоја направена трансакција и за сите промени на Вашата сметка, така што на овој начин сте информирани во секое време за состојбата на сметката. Доколку забележите нешто сомнително, веднаш јавете се на телефонскиот број на контакт центарот, а нашите вработени ќе се обидат да Ви помогнат и да ги заштитат Вашите информации и средства.

Совет број 7: Управувајте со лимитите на Вашите платежни картички

За поголема безбедност при користење на НЛБ платежните картички и поголема сигурност при онлајн купување, имате можност да го промените лимитот за интернет плаќања преку НЛБ мКлик мобилното банкарство или НЛБ контакт центарот.

Заштитете се, останете дома и купувајте онлајн преку платежните картички на НЛБ Банка.

Преземањето на оваа содржина не е дозволена без согласност од Редакцијата на Банкарство.мк

Домашни банки

Халкбанк АД Скопје прва банка од регионот која се вклучува на глобалната коалиција „Прајслес Планет“ (Priceless Planet) на Mastercard за зачувување на животната средина

Објавено

на

Халкбанк АД Скопје, како компанија чија стратегија за општествено одговорно делување се темели на подигнување на еколошката свест, од 20 октомври склучува партнерство со големата глобална иницијатива на Mastercard, наречена „Прајслес Планет“ (Priceless Planet), чија цел е преку својата широка коалиција да обедини повеќе бизниси и потрошувачи од целиот свет за поддршка во засадување 100 милиони дрвја, но и да инспирира колективни акции за решавање на климатските промени. (more…)

Продолжи со читање

Домашни банки

ТТК Банка предупредува на лажно претставување со злоупотреба на името на Банката

Објавено

на

TTK Банка АД Скопје идентификуваше обид за лажно претставување на Банката со злоупотреба на името.  (more…)

Продолжи со читање

Домашни банки

Силк Роуд Банка со активно учество во кампањата “Помислете и на нас”

Објавено

на

Вработените во Силк Роуд Банка АД Скопје по повод светскиот ден на гладта во соработка со Црвен крст на Република Северна Македонија земаа активно учество во кампањата „Помислете и на нас“ која се спроведува во рамки на неделата за борба против гладта, при што беа донирани прехранбени производи и финансиски средства за најранливите категории на граѓани. (more…)

Продолжи со читање

Популарно