Силк Роуд Банка почнувајќи од денес, 04.11.2020 година (среда) започна со исплата на паричните права за корисниците на цивилна инвалиднина, парични права од детска заштита, борци и инвалиди, како и за бегалци и азиланти кои ја примаат паричната помош на нивните денарски трансакциски сметки во банката.

Корисниците кои не поседуваат дебитни картички, исплатата на благајните во експозитурите на банката ќе биде организирана во три групи во согласност со утврдениот распоред по азбучен ред, според првата буква од презимето и тоа:

• Среда, 04.11.2020 г. – А, Б, В, Г, Д, Ѓ, Е, Ж, З, Ѕ;
• Четврток, 05.11.2020 г. – И, Ј, К, Л, Љ, М, Н, Њ, О;
• Петок, 06.11.2020 г. – П, Р, С, Т, Ќ, У, Ф, Х, Ц, Ч, Џ, Ш.

За корисниците на паричните права од социјална заштита исплатата на нивните денарски трансакциски сметки ќе се врши на 06.11.2020 година (петок).

Корисниците кои не поседуваат дебитни картички, исплатата на благајните во експозитурите на банката ќе биде организирана во три групи во согласност со утврдениот распоред по азбучен ред, според првата буква од презимето и тоа:

• Петок, 06.11.2020 г. – А, Б, В, Г, Д, Ѓ, Е, Ж, З, Ѕ;
• Понеделник, 09.11.2020 г. – И, Ј, К, Л, Љ, М, Н, Њ, О;
• Вторник, 10.11.2020 г. – П, Р, С, Т, Ќ, У, Ф, Х, Ц, Ч, Џ, Ш.

Корисниците на #Visa и #AmericanExpress дебитни картички почнувајќи од 04.11.2020 година, односно 06.11.2020 година ќе можат да располагаат со средствата преку мрежата на банкомати.

Од Силк Роуд Банка напоменуваат дека при посета на експозитурите задолжително е да се почитуваат преземените безбедносни мерки и воспоставениот ред за влез и излез, како и задолжително носење на заштитна маска со себе и одржување на минимално растојание од 2 метри од останатите клиенти и банкарските службеници.