Connect with us

Домашни банки

Силк Роуд Банка донира средства со секоја трансакција!

Објавено

на

Силк Роуд Банка и Универзитетската клиника за детски болести во Скопје потпишаа меморандум за соработка, со кој банката прераснува во долгорочен партнер на Клиниката. Со меморандумот компанијата се обврзува дека за секоја трансакција извршена со Американ Експрес картичките ќе донира по 5 денари за потребите на Клиниката. Собраните средства ќе се искористуваат периодично, зависно од секоја поединечна потреба за набавка на материјали на Клиниката. Во првиот циклус, собраните средства ќе бидат употребени за целосно обновување на постелнините за сите креветчиња на Клиниката за детски болести во Скопје.

„Горди сме што со овој долгорочен проект Силк Роуд Банка  станува партнер на Клиниката која има најблагородна улога – грижа за здравјето на најмладите. Надежите на сите наши вработени се насочени кон тоа со идните донации да ѝ помогнеме на Клиниката во унапредувањето на условите за што попријатен престој и што побрзо оздравување на секој нејзин пациент. Убедени сме дека сите заедно ќе успееме во тоа “, рече Ролф Шнебели, претседател на Управниот одбор на Силк Роуд Банка.

Универзитетската клиника за детски болести е единствена здравстена установа од ваков вид во земјата. На клиниката се спроведува специјалистичко-консултативна и болничка здравствена заштита и здравствена дејност на терцијарно ниво од областа на педијатријата, а се изведуваат и образовна, научно-истражувачка дејност и усовршување на медицинскиот кадар. Минатата година на оваа клиника биле хоспитализирани над 7400 деца, а повеќе од 54000 деца добиле амбулантска, специјалистичка и субспецијалистичка педијатриска грижа. Во просек дневно на клиниката се спроведуваат и до 10.000 различни здравствени анализи и испитувања.

„Ваквите долгорочни проекти за нас се од особено значење, зашто ни овозможуваат ефикасно тековно планирање во работењето, но и во плановите за унапредување на целокупните услови во Клиниката и нејзин постојан развој. Силк Роуд Банка станува значаен член на семејството на поддржувачи на Клиниката и ние им посакуваме добредојде, и во име на вработените и во име на нашите пациенти“, изјави д-р Катерина Ставриќ, директор на Универзитетската клиника за детски болести.

Силк Роуд Банка има развиени општествено одговорни активности, учествувајќи во поддршка на Црвениот крст на Град Скопје, на Домот за деца без родители „11. Октомври“ и во помошта на жителите на с. Стајковци кои беа погодени од катастрофалните поплави во 2016-та година.

Домашни банки

Вработените во Комерцијална банка донираа храна во соработка со НО „Љубезност“

Објавено

на

Банката донираше повеќе од 20 пакети храна, неопходни за преживување на студените зимски денови кои следат. (more…)

Продолжи со читање

Домашни банки

Централна Кооперативна Банка ќе издаде конвертибилна обврзница

Објавено

на

Централна кооперативна банка (ЦКБ) ќе издаде конвертибилна обврзница со која ќе се задолжи за 5 милиони евра. Веста е содржана во предлог одлуката што ќе се најде на претстојното вонредно акционерско собрание на таа банка закажано за 14 ноември.  (more…)

Продолжи со читање

Домашни банки

Силк Роуд Банка ја опреми со постелнина Детската клиника во Скопје

Објавено

на

Силк Роуд Банка АД ја предаде првата донација за Универзитетската клиника за детски болести во Скопје што произлезе од потпишаниот меморандум за соработка, со кој банката прерасна во долгорочен партнер на Клиниката.

Со оваа донација на Силк Роуд Банка се овозможи целосно обновување на постелнините на сите креветчиња на Клиниката за детски болести. Средствата за набавка на новата постелнина во износ од 212 илјади денари, се обезбедени на тој начин што за секоја трансакција со Американ Експрес картичките на Силк Роуд Банка, банката одвојува по пет денари за потребите на Клинката.

„Среќни сме што ја реализиравме првата донација во рамки на нашето парнерство со Клиниката за детски болести. Со нетрпение ги очекуваме и следните донации со кои сакаме да ѝ помогнеме на Клиниката во остварување на нејзината благородна мисија. Горди сме што заедно со нашите клиенти го спроведуваме овој долгорочен проект со кој веруваме дека ќе придонесеме за уште подобра здравствена грижа за најмладите“, изјави Ролф Шнебели, претседател на Управниот одбор на Силк Роуд банка.

Релизацијата на првата донација од долгорочното партнерство помеѓу Силк Роуд банка и Универзитетската клиника за детски болести ја поздрави и Министерството за здравство.

„Здравствениот систем, како исклучително комплексен сегмент од секое општество, има потреба од поддршка и од приватниот сектор. Состојбите во здравството ќе бидат на многу повисоко ниво доколку сите општествени фактори ја споделат грижата за него. Оттука ја поздравувам оваа иницијатива која е јасен показател за високата свест и општествена одговорност на Силк Роуд банка и воедно ја користам оваа прилика да ги повикам и останатите компании да го следат примерот на оваа банка“, истакна министерот за здравство, доц. д-р Венко Филипче.

Универзитетската клиника за детски болести е единствена здравстена установа од ваков вид во Република Македонија. Во просек, годишно, на оваа клиника болнички се лекуваат над 7 400 деца, а повеќе од 5 4000 деца добиват амбулантска, специјалистичка и субспецијалистичка педијатриска грижа.

„Првата донација од Силк Роуд Банка доаѓа во вистинско време, затоа што набавката на нова постелнината за целата болница е повеќе од неопходна. Овој модел за соработка меѓу нашата Клинката со Силк Роуд Банка функционира одлично и ни овозможува реализација за унапредување на условите во Клиниката. Придобивки ќе имаат децата пацинети, но и персоналот“, вели д-р Катерина Ставриќ, директорка на Универзитетската клиника за детски болести.

Покрај соработката со Клиниката за детски болести, Силк Роуд Банка континуирано реализира и други општествено одговорни активности, меѓу кои: поддршка на активностите на Црвениот крст на Град Скопје, на Домот за деца без родители „11. Октомври“ и учеството во обезбедување помош на жителите на Стајковци погодени од катастрофалните поплави во 2016-та година.

Силк Роуд Банка е единствена банка во Македонија со 100% швајцарски капитал и е ексклузивен застапник за Американ Експрес картичките во земјава.

Продолжи со читање
P2_P_MK_300x250

Популарно

Copyright © 2018 bankarstvo.mk. All Rights Reserved. Developed by Digital Orange