Connect with us

Странски банки

Светска банка: Климатските промени можат да предизвикаат масовна внатрешна миграција

Објавено

на

Климатските промени би можеле да принудат 216 милиони луѓе во шест региони во светот да бараат ново место за живеење во своите земји до средината на векот, а последиците ќе се почувствуваат во Источна Европа, се наведува во студијата на Светска банка.

Долгорочното влијание на климатските промени врз достапноста до водата и зголемувањето на нивото на морето се повеќе ќе претставува закана за здравјето на луѓето и нивната способност да заработат за живот во наредните децении, покажа вториот дел од извештајот на „Groundswell”.

Првиот дел беше објавен во 2018 година и ги опфаќаше регионите на субсахарска Африка, Јужна Азија и Јужна Америка, а вториот го прошири опфатот на Источна и Централна Азија и Пацификот, Северна Африка и Источна Европа.

Авторите откриле дека „внатрешните миграции поттикнати од климатските промени во следните три децении” можат да ескалираат и најтешко да ги погодат „најсиромашните и најранливите области” и нивниот развој.

Субсахарска Африка би регистрирала најмасовни внатрешни миграции до 2050 година, со околу 86 милиони мигранти. Следуваат Источна Азија и Пацификот со 49 милиони, и Јужна Азија со 40 милиони.

Во Источна Европа и Централна Азија, пет милиони луѓе би можеле да бараат ново место за живеење во својата земја.

„Климатските промени би можеле да ги принудат луѓето да мигрираат во неволја. Земјите би можеле да се соочат со жаришта на климатска миграција уште во 2030 година, а процесот потоа ќе се интензивира и ќе се прошири“, нагласуваат лидерките на тимот Канте Ригауд и Вивијан Клемент.

„Нешто повеќе може да се направи за да се спречи ова. Нема сомнеж дека основните услови за ублажување на ефектите од климатските промени во животот на луѓето се намалување на емисиите на штетни гасови и зелениот, еластичен и инклузивен развој”, посочуваат Ригауд и Клемент.

Странски банки

Лагард: Економијата во Еврозоната во подобра состојба од очекуваното

Објавено

на

„Економската активност на еврозоната е забавена во споредба со 2022 година, но оваа година ќе биде „значително подобра“ од предвиденото – и покрај инфлацијата и енергетската криза”, изјави во Давос претседателката на Европската централна банка (ЕЦБ), Кристин Лагард. (more…)

Продолжи со читање

Странски банки

Светска банка ја ревидираше прогнозата за раст на македонската економија

Објавено

на

Светска банка ги ревидираше своите очекувања во однос на бруто домашниот производ (БДП) на Македонија. Новата прогноза на Светската банка е раст на економијата за 2,4 проценти во 2023 година. (more…)

Продолжи со читање

Странски банки

Европската централна банка: Реалните плати во еврозоната драстично паѓаат

Објавено

на

Реалните плати во еврозоната се значително пониски отколку во периодот пред пандемијата и, веројатно, ќе се намалат уште повеќе во наредните месеци поради брзиот раст на цените, предупреди денеска Европската централна банка (ЕЦБ). (more…)

Продолжи со читање

Популарно