Connect with us
P2_P_MK_1600x400

Останато

Светска банка и ОН: Рекордно ниска стапка на сиромаштија во светот

Објавено

на

Според извештајот на Обединети Нации околу 1,3 милијарди луѓе, речиси една четвртина од населението во 104 земји, кои беа вклучени во истражувањето, изјавиле дека се сиромашни. Приближно 662 милиони од нив се деца.

Со истражувањето беа опфатени здравствената заштита, образованието и животниот стандард. Луѓето кои живеат во сиромаштија немаат пристап до неопходните работи, како што е вода, средства за хигиена, електрична енергија, соодветна исхрана или основно образование.

Резултатите од истражувањето покажуваат и дека поголемиот број од сиромашните односно 1,1 милијарда луѓе живеат во селските региони, каде сиромаштијата е четирипати поголема отколку во градските средини.

Стапката на сиромаштија во светот падна на рекордно ниско ниво, соопшти Светска банка. 10% од луѓето во светот живееле со помалку од 1,9 долари дневно во 2015 година, додека две години претходно тој процент бил 12%. Тоа значи дека во 2015 година 735,9 милиони луѓе во светот дневно живееле под прагот на сиромаштијата во однос на 804,2 милиони во 2013 година.

Сиромаштијата е намалена во сите делови од светот, освен на Блискиот Исток и на северот на Африка, каде што судирите во Сирија и Јемен ја зголемија стапката на сиромаштија на 5% во 2015 година од 2,6% во 2013 година. Во Супсахарка Африка стапката на сиромаштија е 41,1%, во јужна Азија е 12,4%, во Латинска Америка и на Карибите е 4,1%, во источна Азија и во пацифичкиот регион е 2,3%, а во Европа и во централна Азија е 1,5%.

„Во изминатите 25 години повеќе од милијарда луѓе се извлекоа од екстремна сиромаштија и глобалната стапка на сиромаштија сега е пониска од кога било во забележаната историја. Тоа е едно од најголемите достигнувања на човештвото во наше време“ изјави претседателот на Светска банка, Џим Јонг Ким.

Околу половина од земјите во светот сега имаат стапка на сиромаштија пониска од 3%,  но од Светска банка наведуваат дека светот како целина не е на пат да достигне помалку од 3% од луѓето да живеат во екстреммна сиромаштија до 2030 година.

Од 1990 до 2015 година стапката на сиромаштија паѓаше за околу 1% годишно, од речиси 36% на 10%, но од 2013 до 2015 година вкупно падна 1%. Според прелиминарните проценки на Светска банка, годинава во екстремна сиромаштија живееле 8,6% од луѓето.

Останато

Јовановиќ: Мислев дека “метлата” требаше да ги фати оние кои работеа за личен интерес и местеа милионски тендери

Објавено

на

Поранешниот советник во Министерството за финансии, Бранимир Јовановиќ, се огласи по повод промената која ја најави премиерот Зоран Заев за смената на Министерот за финансии, Драган Тевдовски. (more…)

Продолжи со читање

Останато

Истражување – Колкави се просечните месечни нето примања во ИТ секторот?

Објавено

на

Во периодот од 6 февруари до 6 март 2019 година, македонскиот портал за информатичка и комуникациска технологија IT.mk спроведе опсежна анкета за состојбата на македонската ИТ работна сила. Анкетата, во која земаа учество повеќе од илјада професионалци од ИТ индустријата, прикажува клучни факти за програмерите, девелоперите, графичките дизајнери и професионалците од областа на дигиталниот маркетинг во Македонија. (more…)

Продолжи со читање

Останато

Вчера во Битола се отвори нов мултифункционален комплекс „СН СООБРАЌАЕН ЦЕНТАР” Инвестиција вредна 5,5 милиони евра

Објавено

на

Вчера во Битола СН Осигурителен Брокер АД Битола отвора нов мултифункционален комплекс „СН СООБРАЌАЕН ЦЕНТАР”, единствен од ваков тип на територијата на Битола и околината. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange