Имајќи ги во предвид развојот и сериозноста на ситуацијата со коронавирусот, САВА осигурување ја известува јавноста дека како општествено одговорна компанија која се грижи за своите вработени и клиенти, дава и ќе даде максимален придонес за спречување на ширењето на заразата со Covid-19.

Врз основа на состојбата и препораките на Владата за справување со пандемијата, компанијата постојано презема мерки на претпазливост и одговорно однесување – првенствено, за заштита на здравјето на своите вработени, нивните семејства, клиентите и соработниците. Покрај тоа, компанијата е целосно подготвена за продолжување на дејноста и во вакви, вонредни услови.

Континуирано се вршат сите неопходни мерки на заштита, претпазливост и одговорно однесување, за да се овозможи непречено одвивање на работата:

• сите вработени редовно се известуваат и добиваат инструкции за лична заштита и постапување при работа со странки;
• во работните простории е извршена дезинфекција;
• обезбедени се средства за дезинфекција, маски и ракавици за сите вработени и клиенти и достапни на влез во подружниците;
• се апелира до соработниците и клиентите да избегнуваат директен контакт и за сите потреби да користат телефонска или дигитална комуникација;
• обезбедени се сите услови за најголемиот дел од вработените да ја вршат својата дејност од дома;
• бројот на вработени во деловните простории е редуциран и сведен на неопходниот минимум за нормално одвивање на дејноста.

САВА осигурување продолжува со издавање на полиси, обработка на штетите и подмирување на обврските кон добавувачите, бидејќи како компанија е посветена на своите клиенти тогаш кога е најпотребно.

• За полиса за осигурување, клиентите може директно да го побараат својот агент или да ја набават онлајн од вебшопот на www.sava.mk.
• Штетите може да бидат пријавени онлајн на www.sava.mk или со јавување во контакт центарот на 0800 80 000 за инструкции.
• За сите останати потреби и прашања, компанијата е достапна преку контакт центарот на: 0800 80 000, по електронска пошта на contact@sava.mk или преку веб-чет формата на веб страница www.sava.mk.

Останете дома и безбедни. Никогаш сами!