Најслабите средства во кои секако не треба да инвестирате се таканаречените егзотични валути, изјави за агенцијата „Prime“ инвестицискиот стратег на „BKC World of investments“, Александар Бахтин.

Оваа валутна класа не се препорачува за купување, освен кога планирате патување во земји како Иран, Венецуела, Авганистан. Валутите на овие земји се несигурни и непрофитабилни средства поради економски и политички проблеми, објасни економистот Бахтин.

Сомнителна валута е и турската лира. Само од почетокот на 2021 година изгуби 40 проценти од својата вредност. Поради многу ниската ликвидност, купувањето на вакви валути е придружено со високи трошоци за провизија. Ова го прави нивното купување уште побесмислено.

„Инвеститорот треба да формира девизна позиција во однос на доларот и еврото, но најдобро е да не се чуваат пари, туку да се инвестираат во финансиски инструменти“, објасни Бахтин. Овие инструменти можат да бидат, на пример, хартии од вредност, берзански фондови и слично.