Рускиот претседател Владимир Путин потпиша закон со кој се забранува употребата и плаќањето со криптовалути со што е потврдено дека руската рубља е единствена прифатлива парична единица во Руската Федерација.

Според новиот закон, кој го потпишал рускиот претседател Владимир Путин, дигиталниот имот и дигиталните права повеќе не се прифаќаат како „парични сурогати“ и се забранува користење на дигитални средства, како што се криптовалути и „NFT“, за плаќање на стоки и услуги.

Покрај тоа, новиот закон, исто така, бара крипто централите и давателите на услуги да одбиваат трансакции каде дигиталните трансфери може да се толкуваат како форма на плаќање. Новиот закон вели:

„Забрането е пренос или прифаќање на дигитални финансиски средства како компензација за пренесени добра, извршени работи, дадени услуги, како и на кој било друг начин што овозможува примање плаќање за стоки (работи, услуги) со дигитални финансиски средства, освен ако поинаку не е определено со федерални закони“.

Централната банка на Русија веќе повика на целосна забрана на криптовалутите. Ова најверојатно нема да се случи бидејќи руското Министерство за финансии се спротивстави на идејата и веруваше дека е неопходно да се дозволи развој на крипто-технологијата. За 10 дена, законот ќе стапи на сила и ќе ги направи плаќањата со криптовалути незаконски во земјата.

Сепак, Русите сè уште можат да инвестираат во криптовалути како Биткоин и веројатно им е дозволено да продолжат да ги ископуваат.