Рејтинг агенцијата „Fitch” објави дека го намалила рејтингот на 31 руска банка на издавачи на долгорочни хартии од вредност во странска валута на „Ц“ од „Б“ и дека ги отстранила од следење на изгледот на неисполнување на долговите, т.н. листа на „следење на негативниот рејтинг“ (Rating Watch Negative – RWN).

„Fitch” го намали и краткорочниот рејтинг на руските банки на „C“ од „B“ и ги отстрани од RWN, пренесува агенцијата TАСС. Меѓу банките чии рејтинзи се намалени се Рајфајзенбанк Русија, Гаспромбанк, Алфа-банк, Сбербанк, Тинкоф банка и други.

„Го намаливме рејтингот за одржливост на сите руски банки и ги отстранивме од RWN, што одразува нагло влошување на деловното опкружување за водење банкарски бизнис“, се наведува во соопштението на рејтинг агенцијата „Fitch”.

На 8 март, „Fitch” го намали долгорочниот кредитен рејтинг на Русија како издавач на должнички хартии од вредност деноминирани во странска валута на „C“ од претходното ниво „B“.