Министерството за трговија на САД соопшти дека американската економија во четвртиот квартал од 2016 година забележала поголем раст од очекуваното.

БДП на САД во периодот октомври – декември пораснал за 2,1% на годишно ниво, што значи повеке во однос на првичните проценки за раст од 1,9%, стои во соопштението на министерството.

Малата ревизија на податоците за четвртиот квартал не ги смени податоците за економскиот раст за цела година кој изнесуваше анемични 1,6%, што е најнизок раст на САД за пет години.

Растот на БДП од 2,1% во четвртиот квартал доаѓа по растот од 3,5% од третото тромесечје, додека во тековниот квартал БДП треба, според прценките на аналитичарите, да порасне за 2,0%.