Connect with us

Останато

Расте цената на златото достигнувајќи 8-годишен максимум

Објавено

на

Цените на златото пораснаа речиси на највисокото ниво во последните осум години, поттикнати од зачестените нови случаи на Ковид-19 вирусот низ светот кои ја задушуваат надежта за скоро опоравување на економијата.

На физичкиот пазар цената на унца злато порасна за 0,6 отсто, на 1,778.20 долари, највисокото ниво од октомври 2012 година. На американскиот пазар цената на златото во терминските договори е зголемена за 0,7 отсто, на 1,794.30 долари за унца.

Побарувачката по племенитиот метал ја поттикна загриженоста поради новите случаи на зараза со коронавирусот. Токио извести за најголем број новорегистрирани случаи на зараза во текот на еден ден од 5 мај, а Германија пријави 712 нови случаи.

Во САД бројот на нови случаи скокна минатата недела за 25 отсто, а во Јужна Америка бројот на смртни случаи поврзани со ковид-19 надмина 100 илјади, според пресметките и анализите на Ројтерс.

Водечкиот американски виролог д-р Ентони Фаучи кажа во Конгресот дека следните две недели ќе бидат клучни за обидите да се одржи контролата над ширењето на вирусот.

Медиумите во меѓувреме известија дека Европската Унија размислува за можноста да го забрани влезот за американските државјани при отворањето на границите на 1 јули.

„Сите стравуваат од втор бран зараза со коронавирусот, не само во САД туку и во Јужна Америка, Бразил, во Русија, и тоа го поддржува скокот на цената (на златото)“, вели Јигар Триведи од индиската брокерска компанија Ананд Рати шерс.

„Луѓето очекуваат централните банки да усвојат пакети за поттикнување, а колку ќе биде повисока нивната вредност, толку ќе бидат подобри изгледите за златото“, додава Триведи.

Централните банки низ светот веќе ја зголемија вредноста на мерките за поттикнување, задржувајќи ги воедно клучните каматни стапки на ниско ниво за да ги ублажат последиците на пандемијата во економијата.

Инвеститорите во такви услови сакаат да се обезбедат од јакнење на инфлацијата и пад на вредноста на валутите па засилено купуваат злато, чија цена годинава порасна за повеќе од 16 отсто.

 

Останато

Професии со кои можете лесно да дојдете до вработување во 2021 година

Објавено

на

Кога станува збор за пазарот на трудот, информатичарите, градежните инженери и економистите, можат најлесно да се вработат. (more…)

Продолжи со читање

Останато

Никола Рибароски избран за претседател на Комората на друштва за геодетски работи

Објавено

на

На редовно годишно собрание, делегатите го избраа Никола Рибароски за претседател на Комората на друштва за геодетски работи. По изборот тој истакна дека ќе ги застапува заедничките интереси на членовите на Комората институциите на национално и интернационално ниво, ќе ги чува угледот, честа и правата на членовите и вработените овластени геодети, и ќе се грижи дејност да ја вршат во согласност со матичниот Закон. (more…)

Продолжи со читање

Останато

Комората на сметководители бара пролонгирање на роковите за поднесување на годишните и финансиските извештаи

Објавено

на

Пролонгирање на роковите за поднесување на годишни сметки и финансиски извештаи преку законски измени на Законот за трговски друштва со цел подобрување на квалитетот на финансиското известување да бидат дел од  економските мерки за петтиот пакет, бара Комората на сметководители при Сојузот на стопански комори на Македонија. Според роковите утврдени во Законот за трговски друштва Годишната сметка се доставува до Централниот регистар до крајот на месец февруари наредната година, во хартиена форма или до 15 март во писмена форма. (more…)

Продолжи со читање

Популарно