Connect with us

НБРМ

Работна средба на гувернерката и евроамбасадорот Гир: Народната банка презема соодветни мерки за справување со инфлацијата

Објавено

на

Во рамките на институционалната соработка, амбасадорот Дејвид Гир, шеф на Делегацијата на ЕУ, г-ѓа Мари-Мадлен Канелопулу, шефица на Економскиот оддел при Делегацијата на ЕУ и г. Алесандро Занота, економски советник во Одделот за операции при Делегацијата на Европската Унија, остварија работна средба со гувернерката на Народната банка, Анита Ангеловска-Бежоска и вицегувернерката Ана Митреска.

На работната средба се разговараше за актуелните економски случувања и за последиците врз европската и домашната економија од војната во Украина и од енергетската криза. Посебно внимание на средбата ѝ беше посветено на улогата на централните банки во справувањето со инфлацијата, којашто е сè позначајна во сите земји во светот. На средбата заеднички беше утврдено дека силниот и долготраен шок врз глобалните цени на енергентите и храната и натаму е главниот фактор што ги подгрева глобалната и домашната инфлација. Ова е особено изразено во малите и отворени економии, како македонската, во коишто голем дел од производите се увезуваат, а храната и енергијата имаат големо учество во вкупната потрошувачка. Поради силината и времетраењето на шокот, централните банки ги зголемуваат каматните стапки. „Во оваа смисла, Народната банка одлучи постепено да ја зголемува основната каматна стапка, со цел да ја намали инфлацијата, како што впрочем реагираат и многу други централни банки, вклучително и ЕЦБ“ – посочи евроамбасадорот Гир.

Во оваа прилика, беше организирана и посета на музејската изложба на Народната банка посветена на културното наследство, претставено преку тековното издание на македонските книжни пари. Изложбата „В/редности и вредности“ е организирана како дел од активностите со коишто Народната банка ја одбележува 30-годишнината на македонската монетарна самостојност и воведувањето на денарот како национално платежно средство.

Народната банка остварува плодна соработка со Делегацијата на Европската Унија во Република Северна Македонија во спроведувањето на својата стратегиска ориентација и во процесот на усвојување на најдобрите практики и стандарди коишто сѐ повеќе ја приближуваат до  Европскиот систем на централни банки.

НБРМ

ММФ објави Извештај за аранжманот ПЛЛ – високи оцени за монетарната политика, финансискиот сектор и банкарската супервизија

Објавено

на

Во најновиот извештај на ММФ во врска со одобрувањето средства од Инструментот за претпазливост и ликвидност објавен на 28.11.2022 година се наведува дека Народната  банка постојано води соодветни политики и соодветно реагира на различни шокови, одржувајќи ја успешно стабилноста и бранејќи го девизниот курс на денарот. Во однос на финансиската стабилност, банкарскиот систем е добро капитализиран и отпорен на шокови. За ова, како што се наведува во Извештајот, придонесува и ефективната супервизија, којашто работи по високи меѓународни стандарди, има силна правна и регулативна рамка и соодветни оперативни практики. При спроведувањето на своите функции, Народната банка применува силни стандарди за одговорно работење и висок степен на транспарентност во работењето. (more…)

Продолжи со читање

НБРМ

Советот на Народната банка ја донесе Програмата за работа за 2023 година, со којашто се предвидуваат програмските активности преку кои ќе се придонесе за остварување на стратегиските цели на Народната банка

Објавено

на

Советот на Народната банка ја донесе Програмата за работа за 2023 година, во којашто се предвидени активности и нови проекти, а во функција на понатамошно успешно исполнување на поставените стратегиски цели. (more…)

Продолжи со читање

НБРМ

Во Народната банка беа доделени наградите од Конкурсот за ученици од основното и средното образование посветен на Светскиот ден на штедењето ‒ 31 октомври

Објавено

на

Народната банка и Министерството за финансии денеска во Музејот на Народната банка ги доделија наградите освоени од учениците во рамките на Конкурсот за избор на најдобри ликовни и литературни творби по повод Светскиот ден на штедењето ‒ 31 октомври. На традиционалниот настан којшто годинава се одржува по десетти пат, пред присутните се обратија гувернерката на Народната банка, Анита Ангеловска-Бежоска и министерот за финансии, Фатмир Бесими. (more…)

Продолжи со читање

Популарно