Connect with us

Останато

Работа од соништата – да спиете на работа и за тоа да добивате плата!?

Објавено

на

Скоро секој вработен низ целиот свет ги прави овие основни поплаки за работата што ја работи – тој не е доволно платен, работи премногу напорно, работи за тројца и постојано е ненаспан поради работата.

Еден индиски стартап ќе ги сврти овие поплаки во своја корист, па одлучи да понуди плата за спиење. Да добро прочитавте, компанијата нуди плата за вработените добро да се наспијат на „работа”.

„Wakefit” е стартап компанија која изработува квалитетни душеци за спиење, кои на луѓето им овозможуваат здрав сон и одмор. Оваа компанија бара работници да спијат на работа осум часа, 100 дена по ред. Оваа „напорна“ работа ќе биде платена околу 1.350 евра. Најдоброто е што сето тоа се одвива дома, без притоа да мора да се патува до работа.

Еве како би изгледала работата од соништата:

Според пропозициите, идеални кандидати се оние „кои се чувствуваат удобно во околина што воопшто не е напната и можат да осмислат и предложат стратегии што ќе ги натераат нив и остатокот од нивниот тим да спијат колку што е можно подлабоко и да спијат што е можно подолго“. Ако успеат да докажат љубов за удобна дремка, мирно опкружување, попладневен одмор и општа љубов за топол дом, овие карактеристики ќе бидат особено ценети.

Основниот услов за добро работење на оваа работа е скоро фанатична желба и способност да заспиете во секое време, на кое било место. Од личноста се очекува уште едно: Да сака да поминува што повеќе време во своите пижами. Еден од условите што мора да бидат исполнети: нема претерување со телевизија и серии, компјутер не е дозволен за време на работата. Предност им се дава на луѓето кои вешто можат да ги игнорираат сите видови на пораки и известувања на својот паметен телефон.

Оние кои ‘рчат се исклучени! Целата приказна за овој бизнис навистина се сведува на гледање на моделите на спиење на новата линија на душеци направени од овој стартап. Не само што ќе се надгледува сонот, неговата длабочина и квалитетот пред и откако ќе испробаат нов производ (нов душек), исто така компанијата ќе понуди советување за оние кои имаат проблеми со спиењето.

Wakefit” е компанија која веќе се прослави во Индија, па и низ целиот свет, предлагајќи во канцелариите да се воведат простории за краток попладневен одмор, краток сон после ручекот, затоа што со истражувањето кое тие го спровеле откриле дека 86 проценти од Индијците веруваат дека доколку имаат можност за краток сон после одморот, потоа ќе бидат многу попродуктивни на работното место.

Дел од индиските компании веќе размислуваат за оваа иновација на работното место! Дали македонските компании ќе го следат овој пример и ќе воведат простории за краток одмор за своите вработени останува времето да покаже.

Останато

Бесими: Четвртиот пакет мерки има три столба – социјален, опоравување на бизнисот и фискална и финансиска стабилност

Објавено

на

Четвртиот пакет на мерки ќе се заснива на три столба – социјален и здравствен кој ќе се однесува на граѓаните и нивниот стандард, вториот столб ќе биде за бизнисите односно економската активност и работните места, сите активности што подразбираат ликвидност, финансиската стабилност и економското опоравување и третиот столб е фискалната и финансиската стабилност воопшто во економија вклучувајќи ја и финансиската стабилност на општините. Ова го најави министерот за финансии Фатмир Бесими во гостување на емисијата Економски магазин на Алсат-М телевизија. (more…)

Продолжи со читање

Останато

Бесими: Се очекува следната година да биде година на опоравување со раст од 4,8% на БДП

Објавено

на

Растот за 2021 година првично се очекува да биде 4,8% од БДП, согласно основното сценарио. Следната година се очекува да биде година на економско опоравување, иако појдовната основа за растот од 4,8% ќе биде пониска од претходната година, вели во интервју министерот за финансии, Фатмир Бесими за Економски магазин на телевизија Алсат-М. Тој посочува и дека кризата предизвикана од коронавирусот е од многу поголеми размери во однос на светската финансиска криза од 2009 година. (more…)

Продолжи со читање

Останато

Бесими – Арсовска: Со инклузивен процес до решенија за излез од кризата

Објавено

на

Министерот за финансии, Фатмир Бесими оствари официјална работна средба со претседателката на Сојузот на стопански комори на Македонија, Данела Арсовска. (more…)

Продолжи со читање

Популарно