Американскиот магазин „Forbes” на 14 февруари оваа година ја објави својата 14-та редовна годишна листа на најдобри американски банки. Посочија дека растот, кредитниот квалитет и профитабилноста го сметаат за основни критериуми при креирањето на листата со цел рангирање на 100-те најголеми банки од најдобра до најлоша.

„Помалите регионални и локални банки кои најголемиот дел од приходите ги остваруваат од камати доминираат во горната половина од листата, додека мултинационалните банки кои генерираат повеќе приходи од патронажни и советодавни такси се најтешко погодени од економското забавување. Сите банки од четири трилиони долари заостануваат во долната третина на листата, вклучувајќи го и Wells Fargo со имот од 1,9 трилиони долари на последното место“, посочија од „Forbes” при објавувањето на листата.

Банката имаше вкупен имот во вредност од 213 милијарди долари

На 20-то место на листата ја вброија американската „Silicon Valley Bank” (SVB), која банкротира оваа недела. Тоа беше втор најголем банкрот на финансиска институција во историјата на САД и најголем банкрот на американска банка од 2008 година.

„Silicon Valley Bank” (SVB) сега е регулирана од Федералната агенција за осигурување на депозити на САД (FDIC). Нејзиниот имот бил конфискуван. Основана во 1983 година, банката обезбеди финансирање за речиси половина од американските технолошки и здравствени компании. „Silicon Valley Bank” (SVB) се соочи со несоодветна ликвидност и несолвентност, велат банкарските регулатори во Калифорнија, каде што е сместена компанијата.

Според „Forbes”, „Silicon Valley Bank” (SVB) имала вкупен имот во вредност од 213 милијарди долари на крајот на минатата година. Федералната агенција за осигурување на депозити, која вообичаено ги штити депозитите до 250.000 американски долари, соопшти дека презела контрола над околу 175 милијарди долари кои се чуваат во банката.