Connect with us

Домашни банки

Промени во Управниот одбор на Шпаркасе Банка АД Скопје

Објавено

на

Шпаркасе Банка АД Скопје објавува дека, во согласност со промените во Управниот одбор планирани во текот на Проектот за интеграција со Охридска банка АД Скопје, Глигор Бишев ќе го искористи своето право на пензионирање и ќе замине од позицијата претседател на Управниот одбор заклучно со 30.4.2022 година.

Глигор Бишев ја водеше Шпаркасе Банка АД Скопје од почетокот на 2013 година и за време на неговиот мандат Банката го зголеми и го стабилизираше своето пазарно учество и профитабилност, стана лидер во проектно финансирање, воведе иновативни и модерни производи за население и го поддржуваше севкупниот економски раст во Северна Македонија.

Претседателот на Надзорниот одбор Георг Бухер ја искажа својата благодарност кон Глигор Бишев за неговата визија, лидерство и придонес кон развојот на Банката и заштитата на интересите на сите засегнати страни во овој предизвикувачки период. Под лидерството на Глигор Бишев и неговите колеги, Банката ја продолжи својата ориентација кон иднината, развивајќи се во модерен и иновативен партнер на секое домаќинство и компанија во земјата. Помеѓу многуте предизвици со кои се соочивме минатите години, како што е пандемијата со ковид-19, Банката успешно ја реализираше најголемата банкарска интеграција во поновата историја, станувајќи едно семејство со Охридска Банка АД Скопје во текот на 2021 година, изјави Георг Бухер.

Од 1 мај 2022 година, позицијата претседател на Управниот одбор ќе ја преземе Санел Кустурица, сегашниот заменик-претседател на Управниот одбор, кој се придружи на Банката на почетокот на 2021 година, откако претходно беше на чело на Шпаркасе Банка во Босна повеќе од 10 години. Нина Неданоска, сегашен член на Управниот одбор, ќе стане заменик-претседател на Управниот одбор. Алвин Аличевич, член на Управниот одбор на Банката од 2017 година, ќе продолжи да ја извршува својата функција на член на УО, одговорен за управувањe со ризиците. Се проценува дека оваа непречена транзиција дополнително ќе придонесе кон севкупниот иден развој, потенцијал и репутација на Шпаркасе Банка АД Скопје како стабилна и прудентна банка, која ќе овозможи спроведување на проектираниот курс на перманентен и долгорочен развој на Банката.

Домашни банки

Личниот пристап кон клиентите е клучен за градење доверба

Објавено

на

Банките се двигатели на секоја економија, а нивната одговорност кон клиентите е повеќеслојна и поеднакво се однесува и на бизнисите (правните лица) и на поединците (физичките лица). (more…)

Продолжи со читање

Домашни банки

Доделен автомобилот TESLA на среќниот добитник во наградната игра на Стопанска банка АД – Скопје

Објавено

на

Најсреќниот добитник во големата наградна игра на Стопанска банка, Ацо Савиќ, вчера (23 ноември) пред просториите на Банката во центарот на Скопје ги доби клучевите од новиот автомобил TESLA model 3. Автомобилот е главната награда од наградната игра на Стопанска банка со Mastercard платежните картички „Најбрзо до Тесла возило со СБ”, која траеше од 1 јули до 31 октомври. (more…)

Продолжи со читање

Домашни банки

ЕБОР одобри 9 милиони ЕУР кредит на ПроКредит Банка во Северна Македонија

Објавено

на

Европската банка за обнова и развој (ЕБОР) доделува нови средства за поддршка на младите претприемачи и основање на бизниси, како и за промовирање на зелени финансии во Северна Македонија, преку финансискиот пакет од 9 милиони ЕУР одобрен за ПроКредит Банка. (more…)

Продолжи со читање

Популарно