Connect with us
P2_P_MK_1600x400

Лични финансии

Променете ги навиките и почнете да штедите

Објавено

на

Сликата што ни ја дава статистиката за повисоки плати и ниска инфлација се замаглува ако се обидете да ја наполните кошничката во некоја од домашните продавници и супермаркети. Кога ќе се спореди фискалната сметка и она што сме го ставиле во торбата по пазарењето, неизбежно доаѓа прашањето „Каде ми отидоа парите?“.

Македонскиот животен стандард добива други димензии кога ќе се направи анализа за бројот на работниците што имаат примања под месечната просечна нето-плата од околу 24.000 денари. Речиси две третини од вкупниот број вработени примаат плата на границата на висината од потрошувачката кошничка, која изнесува околу 12.000 денари. Aко знаеме дека потрошувачката кошничка се однесува на четиричлено семејство, тогаш императив за секое семејство е да заштеди колку што е можно повеќе.

Во ова динамично и непредвидливо време, добро е да се најде и искористи секој можен начин да се заштеди. За да имате сè повеќе и повеќе, штедете по малку. Ќе се обидеме да ви го претставиме најпрактичниот и наједноставниот начин за штедење за вас, што сметам дека е доволно за почеток.

Скратете ги непотребните трошоци

Започнете со секојдневните трошоци додека сте на работа. Наместо да купувате и да нарачувате храна на работа, понесете го со себе оброкот кој сте го подготвиле од дома. Така ќе заштедите значителна сума на пари во текот на денот, а на крајот на месецот ќе го видите ефектот. Исто така, се помалку храна ќе остане за фрлање доколку се сè изеде на време.

Укинете ги претплатите и членарините

Во секојдневниот живот често делуваме импулсивно и се претплатуваме за одредени работи и активности кои често се случува потоа да не ги користиме, а секако претплатата или членарината си тече. Укинете ги сите претплати за работите кои не ги користите или членарините за активностите кои не ги посетувате, на пример, списанија и магазини или часови за странски јазик. Размислете дали е потребно да плаќате членарина во фитнес центарот доколку не сте редовен или воопшто и не го посетувате.

Направете список за пазарење

Пред да одите да пазарите, секогаш задолжително направете список во кој ќе ги напишете работите кои ви се неопходни и по кој сте тргнале да ги набавите. Во супермаркетот купете ги само тие работи кои се наоѓаат на вашиот список.

Доколку наидете на нешто непредвидено и неодоливо, не го купувајте, запишете го, но, за следниот пат кога ќе одите во продавница. Во меѓувреме размислете дали навистина тој производ ви е потребен. Доколку производот остане на списокот за наредниот пат кога ќе одите да купувате, тогаш купете го.

Но, докажано е дека доколку влезете во продавница без список, ќе потрошите повеќе пари отколку кога имате составено список. Притоа, покрај пари, ќе заштедите и време, купувајќи ги само производите на списокот, без да лутате бесцелно по рафтовите.

Пазарете во дисконти

Пазарете во дисконтни продавници кога треба да набавите повеќе работи. Навистина, на некој што има висока плата можеби не би му смениле ништо во месецот 1000 денари, но размислете како ќе се чувствувате ако некој ви подари 1.000 денари? Или ако добиете 1.000 денари на гребка? Не мора да посакувате да ви се случи истото, само треба малку да размислите што и каде купувате, и верувајте, ќе заштедите илјадарка (можеби и повеќе) секој месец.

Секако останува да се држите на списокот, во спротивно сè што ќе видите надвор од списокот ви изгледа поповолно до другите продавници и ви се чини дека ви е потребно. Така повторно се враќате на почеток на безпотребното трошење.

Купувајте на попуст или акција

Сте тргнале да пазарувате и на списокот сте запишале одреден продукт кој што ви е неопходен. Во маркетот производот ќе го најдете во амбалажа на различни брендови со различна цена. Побарајте го производот кој се наоѓа на одредена акција или попуст кој го дава маркетот. Верувајте, доколку го применувате овој совет, со сигурност ќе заштедите значителна сума на пари во текот на месецот.

 

Лични финансии

7 Работи во продажбата кои мора да ги избегнеш по секоја цена

Објавено

на

Како професионалци во продажбата, имаме многу тактики, техники и алатки кои ни се на располагање. Некогаш можеби има и полесни, но не толку етички начини за да се постигне успешна продажба, но баш поради овие работи нас професионалците во продажбата не бие лош глас. Ако сакаш да бидеш успешен продавач кој не сака да си ја наруши репутацијата, прочитај ги подолу седумте најлоши работи кои мора да ги избегнеш по секоја цена.

  1. Лажење.

Ова е очигледно, а и прво е со причина. Секој лаже во одредена ситуација, но во продажбата лажење може да води кон креирање на лоша слика на компанијата или продуктот кој го претставувате. Лажењето може да биде причинител на конфликти во тимот или пак да се развијат лоши односи со клиентите. Ако треба да лажеш за да ја направиш продажбата, тогаш мора да има нешто погрешно во а) тоа што го продаваш, или б) твојот пристап. Во најголем број на случаи е ова второто.

Ако си сигурен во себе и ако сакаш понудата да ја направиш поатрактивна, биди искрен со клиентот, немој да нудиш работи кои не постојат само за да добиеш негов потпис. Ако клиентот дознае дека си го излажал, тоа може да биде штетно кон твојот работодавец и да има катастрофални последици за тебе: да се пријавиш во биро за вработување. Кога станува збор за лажење, има само едно правило: не лажи!

  1. Нетрпеливост.

Генералното мислење е дека сите продавачи се екстроверти, луѓе со кои е лесно да се влезе во разговор. Ова не може да биде подалеку од вистината. Иако многу интроверти се успешни продавачи, има одредени карактеристики кои луѓето мора да ги отстранат за да бидат успешни во продажбата. Една од тие карактеристики е нетрпеливоста.

Кога се работи за склучување зделка, нетрпеливото брзање за да се склучи зделката нема никаде да те однесе побрзо. Клиентите обично не сакаат да покажат дека би склучиле договор, се додека ти не го иницираш потпишувањето. Да знаеш кога и како да иницираш е само по себе уметност, но и тоа треба да го направиш со дредена финеса, за после тоа да не го изгубиш клиентот. Немој да бидеш нетрпелив и на крај да ја изгубиш зделката.

  1. Премногу зборење

Да, многу продавачи ја имаат дарбата да зборат подолго, но исто така можат да зборат до бескрај. Иако знаат да бидат одлични говорници и да бидат центар на вниманието, при претерано зборење потенцијалниот клиент може да изгуби интерес и да пропадне состанокот. Во процесот на продажбата, многу подобро е да го слушаш клиентот, отколку да го надзбориш со некој богат говор.

Претераното зборење исто така го одвлекува вниманието на клиентот од самата продажба. На никој не му е гајле за некоја смешна анегдота од детството, колку и да е важна. Во продажбата времето е пари, затоа не го губи времето на клиентите залудно. Гледај да држиш одреден баланс со зборењето и биди сигурен дека нема да излезе од контрола, затоа што така и состанокот ќе излезе од контрола.

  1. Заобиколување

Си закажал состанок во некоја компанија, се гледаш со одговорното лице, се договарате за одредени услови, но мора да се видите уште еднаш, затоа што мора да дојде со колега кој има поголеми овластувања од него за да склучите договор. И го чекаш тој втор состанок. Ова е секогаш незгоден период. Дали сака да закаже, дали може да закаже?

Која и да е ситуацијата, во никој случај не ги заобиколувај оригиналните услови кои сте ги договориле само за да дојдеш до тоа второ лице или пак, ако одиш преку други лица од таа компанија.

Најмногу од се се работи за лојалност и почит, и ако првиот контакт сфати дека си спремен да му одиш позади грб само за да си ја завршиш работата, сметај дека си го изгубил за каква било идна соработка. И што е уште понезгодно, може од внатре и да ти ја бојкотира секоја твоја понуда за соработка.

  1. Мрзливост

Секој си има свои мрзливи периоди, но за тоа има време и место, а да се биде во продажба не е дозволиво за таков период. Причината поради која продавачите не се излежуваат е затоа што треба да се склучуваат зделки и да се прават пари, и ако си бавен, конкуренцијата ќе те победи, затоа што конкуренцијата никогаш не спие. Продавачите, во најголем дел од времето, се педантни и ажурни, и не се навикнати на мрзеливост. Затоа и се добри продавачи.

Но, секако, има одреден број на продавачи кои не се направени од тој калап и поради нивната мрзеливост немаат некои од основните продажни вештини и навики. На пример, мрзеливите продавачи избегнуваат да бараат клиенти, или не прават follow up ни на нивните постоечки клиенти.

  1. Преголема самоувереност

Продавачите треба да зрачат со самодоверба, но и тоа си има свои граници. Кога ќе бидеш премногу самоуверен, тоа може да има контра ефект кај повеќето луѓе, особено клиенти кои дури може да се почуствуваат загрозени од таков вид на хипер став. Исто така преголемата самодоверба е знак на компензирање на други карактерни недостатоци, или што е уште полошо, недостатоци на продуктот или компанијата.

Ако си по природа премногу самоуверен, гледај да бидеш поумерен кога го вршиш процесот на продажба со клиентот. Преголемата самоувереност не е ефикасна ни внатре во тимот за продажба. Секој почитува одредена доза на скромност од време на време, иако ти си “најдоброто нешто што и се случило на твојата компанија и твојот тим”.

  1. Преголема амбициозност

Исто како и премногу самоуверените, преамбициозните се типови на продавачи кои ретко кој сака да биде во нивна близина. Преамбициозните продавачи не знаат кога треба да запрат. Тие се напорни, не прифаќаат ‘не’ за одговор и не читаат знаци (од клиентот, од колегите…).

Напорните продавачи се веќе застарен модел во денешниот пазар. Најголем број од клиентите сакаат продавач кој знае што продава, кој ќе ги води кон вистинската насока за да склучат договор. Преамбициозните продавачи забораваат да слушаат и напротив, сакаат да ја доминираат ситуацијата, и тие му кажуваат на клиентот што му треба, а не обратно.

Продолжи со читање

Лични финансии

5 работи кои одличните продавачи ги прават

Објавено

на

Најдобрите продавачи знаат дека се најдобри. Тие се гордеат со својата уметност. Тие се одделуваат од останатите без разлика на околностите. Како го прават тоа? И дали ти си еден од нив? (more…)

Продолжи со читање

Лични финансии

Со коучинг до успешна продажба

Објавено

на

Што доколку никогаш повеќе не мора да го слушнеш зборот ‘’не’’ како човек кој работи во продажбата? Што ако твојот постојан напор и твојата интеракција со клиентите постојано вродуваат потенцијални можности за соработка? Можеби ќе си кажеш за мене дека летам во облаци, но што мислиш дека би било потребно за да се гарантира дека секое телефонско јавување би резултирало со позитивна реакција од клиентот, а во исто време би значело и развивање на долготраен однос помеѓу тебе и истиот тој клиент? Продолжи да читаш за неколку вредни приоди што можат да ја доведат оваа визија поблиску до реалност. (more…)

Продолжи со читање
project

Популарно

Copyright © 2018 bankarstvo.mk. All Rights Reserved. Developed by Digital Orange