Google отстрани од Play Store нови 36 апликации кои биле заразени со малициозен софтвер наменет за кражба на податоци за злоупотреба на банкарски сметки.

Според истражувањето на Lookout и Promon активен бил нов вирус кој прави неколку вида на злоупотреби на смартфонот со тоа што се маскира како легитимна апликација. Потоа презема контрола над мултитаскингот и во позадина ги извршува сите операции под назив на друга веќе доверлива апликација.

Секако за овој малвер да се активира потребна е согласност од страна на корисникот, но со оглед на тоа колку добро е маскиран дури и напредни корисници не би биле воопшто сомничави дека се работи за потенцијална опасност.

Проблемите ги предизвикал вирусот BankBot кој е активен од 2017 година и постојано се обидува да се инфилтрира во PlayStore токму користејќи ја функцијата за мултитаскинг TaskAffinity.

Токму оваа слабост треба да биде надмината во следната безбедноста надградба на Google, па затоа штом добиете известување на вашиот смартфон веднаш треба да ја инсталирате за да бидете сигурни.