Шпанија наскоро треба да го започне пробниот период од предложената четиридневна работна недела од страна на партијата „Más País”, и ако тестирањето помине како што треба и идејата е целосно прифатена, Шпанија може да стане прва земја во светот што ќе спроведе ваков систем на работа.

Тестирањето на овој пилот проект ќе започне на есен, ќе трае три години и во него ќе бидат вложени 50 милиони евра за да се овозможи тестирањето да помине со минимален ризик, пишува „The Guardian“.

„Со четиридневната работна недела (32 работни часа) започнуваме со вистинската дебата за нашето време. Тоа е идеја чие време дојде”, напиша Ињиго Ерехон од „Más País” на својот Твитер профил.

Партијата „Más País” се надева дека наскоро ќе ги види резултатите постигнати од шпанската компанија „Del Sol” низ целата земја, чии работници веќе извесно време работат само четири дена во неделата.

„Јасно е дека начинот на работа ги прави луѓето стресни, прекумерната работа ги заморува и сето тоа остава големи последици врз менталното здравје. Четиридневна недела би била добра за економијата, за работниците и за животната средина“, наведуваат од партијата.