Сеавус Инкубатор во соработка со Мајкрософт Македонија денеска во просториите на инкубаторот ќе ја промовираат програмата “БизСпарк” која ќе овозможи бесплатни лиценци за ИТ стартапи.

– “БизСпарк” програмата има за цел технолошки да им помогне на стартапите за да може да ги остварат своите цели во најкраток период, и да ги поврзе со Сеавус Инкубатор и Стартап Македонија кои ќе им помогнат во растот, а со тоа ќе се стимулира и иновативен локален еко-систем, соопшти Сеавус Инкубатор.

Програмата која е започната на глобално ниво пред неколку години, од оваа година е достапна и за македонските стартапи, кои можат да добијат бесплатни лиценци од Мајкрософт.