Connect with us

Странски банки

Приходите на ,, Goldman Sachs ” се зголемија за 40%

Објавено

на

„Goldman Sachs“ – Aмериканската банка, објави раст на добивката од 40% во второто тримесечје или до 2,57 милијарди долари, што е над очекувањата на аналитичарите благодарение на најдобрите од очекуваните приходи од инвестициската и лизинг дивизија, објави „CNBC“.

Добивката по акција од 5,98 долари ја надмина прогнозата на аналитичарите од „Thomson Reuters“ за заработка по акција од 4,66 долари.

Приходите на aмериканската банка „Goldman Sachs“ се зголемиле за 19% до 9,40 милијарди долари при првичните очекувања од 8,74 милијарди долари. Некаматните трошоци на американското инвестициско банкарство забележаа раст од 24% до 2,66 милијарди долари, наспроти година порано поради одвојување на повеќе средства за различни правни и судски постапки.

Тоа е околу 200 милиони повеќе од предвидените од страна на аналитичарите.

„Силното претставување на сите основни бизниси доведоа до нашите најдобри резултати за првото полугодие од годината по девет години“, изјави главниот извршен директор на „Goldman Sachs“ Лојд Бланкфејн.

Тој додаде дека банката е добро позиционирана да инвестира во атрактивни можности за да ги задоволи потребите на своите клиенти и да продолжи да генерира раст на финансискиот резултат.Но, „Goldman Sachs“ е на крстопат. По 12-годишно управување на инвестициската банка Бланкфејн е на пат да биде наследен од сегашниот главен оперативен директор, Дејвид Соломон.

Од почетокот на годината акциите на „Goldman Sachs“ поевтинуваат за 9,2%, а за време на денешната берзанска сесија благо се зголемија со 0,41%.

Странски банки

JPMorgan е првата американска банка со своја криптовалута

Објавено

на

Американската банка “JPMorgan” е првата банка во САД која што воведува сопствена криптовалута.

Оваа американска банка секојдневно врши трансакции вредни повеќе од 6.000 милијарди долари, за корпорации низ целиот свет, во рамките на своето енормно работење со платежни трансакции.

Во еден експеримент кој ќе биде лансиран за неколку месеци, мал дел од овие трансакции ќе се направат преку иновативната “JPM монета”, дигитален токен направен од њујоршките банкари за брзо извршување на плаќањата помеѓу клиентите, пренесува CNBC.

JPMorgan се подготвува за иднината во која финансиското работење, од прекугранични плаќања до издавање корпоративен долг, ќе се одвива преку блокчеин технологија. Тоа е технологија на бази на податоци која стана позната по својата прва криптовалута – Биткоинот.

Но, со цел оваа иднина да стане реалност, “JPMorgan” треба да најде начин за трансфер на парите со иста вртоглава брзина со која во моментов електронски се потпишуваат договори и се извршуваат трансакции, наместо да се потпира на стара технологија, како што се т.н. “Жичани трансфери” (S.W.I.F.T).

Откако успешно ќе се завршат тестирањата во сферата на меѓународните плаќања, ова ќе биде една од првите апликации во реалниот свет за една криптовалута во банкарската индустрија.

Секоја “JPM монета” ќе се разменува за еден американски долар, така што нејзината вредност нема да се менува, што е слично со концептот на т.н. “стабилни” монети.

Продолжи со читање

Странски банки

Грција со свој проект “Купи Куќа Купи Стан”

Објавено

на

Грција планира да вложи приближно милијарда долари во банките во земјата во следните пет години, за да субвенционира дел од хипотекарните кредити на домаќинствата.

Согласно планот на овој проект, домаќинствата кои не можат да ги плаќаат своите обврски, ќе треба да ги реструктуираат своите кредити, за потоа државата да плати дел од нивните месечни обврски.

Во моментов грчките банки се борат со огромен “облак” од лоши пласмани, кои изнесуваат 88,6 милијарди долари, наследство од финансиската криза во земјата.

Законската рамка има за цел да ги поддржи домаќинствата кои не можат да исплатуваат кредит за својот дом.

Во законот ќе бидат поставени рамки за ниво на приход и други критериуми, а должниците ќе го губат грантот ако доцнат во отплатата со над 90 дена.

Продолжи со читање

Странски банки

Салвини: Златото од Банката на Италија му припаѓа на народот

Објавено

на

Златните резерви во централната Банка на Италија се во сопственост на народот, а не на некој друг, изјави италијанскиот вицепремиер и министер за внатрешни работи, Матео Салвини. (more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange