Connect with us

Останато

Претставниците на нашата земја најбројни во големото финале на Европскиот квиз на парите

Објавено

на

Вчера се одржа големото финале на Европскиот квиз на парите, во коешто покрај учениците, учествуваа и менторите, родителите и сите други заинтересирани за финансиската едукација од повеќе европски држави. Според податоците коишто ги објави Европската банкарска федерација, на овој значаен настан најбројни беа претставниците на нашата земја, што уште еднаш потврдува дека интересот на младите кај нас за стекнување повисоки нивоа на финансиска писменост е многу голем, а во последните неколку години откако поинтензивно се преземаат активности во оваа сфера и постојано се зголемува.

Заради пандемијата на ковид-19, Европската банкарска федерација одлучи ова финале да има формат поразличен од претходните години – да биде од отворен карактер, и да се одржи онлајн, со емитување во живо на ЈуТјуб (YouTube), преку платформата Кахут (Kahoot!). Учесници беа и нашиот национален победник, Едон Хамбари, второпласираниот на националниот натпревар, Андреј Шумански и низа други заинтересирани ученици од нашите основни и средни училишта.

На онлајн-настанот којшто претставуваше и официјално затварање на годинешното издание на Европскиот квиз на парите, одделно беа претставени и победниците на националните натпревари за ученици на возраст од 13 до 15 години од сите држави коишто годинава зедоа учество во овој најголем европски настан од едукативно-натпреварувачки карактер посветен на финансиската писменост. Притоа, беше претставен и Едон Хамбари, како победник на националниот натпревар кај нас.

Инаку, заради околностите во коишто настанот се организира во текот на корона-кризата, за првпат, европското финале се спроведе само на англиски јазик. Првото место го освои претставникот на Шпанија.

Во рамки на настанот беа претставени и значајни моменти од претходните изданија на овој значајно едукативно натпреварвање, при што беше прикажан и големиот успех на нашите минатогодишни претставници коишто го освоија второто место во Европа.

Националниот натпревар во рамки на Европскиот квиз на парите организиран од Македонската банкарска асоцијација во соработка со Народната банка и Комисијата за хартии од вредност и со поддршка од Министерството за финансии и Министерството за образование и наука, се вбројува меѓу најмасовните настани од едукативно-натпреварувачки карактер организирани во нашата земја.

Вложувањето во финансиската едукација и во поттикнувањето поголема финансиска инклузија претставува и вложување во стабилноста и напредокот на економијата. Македонската банка асоцијација и регулаторите на финансискиот систем во рамки на соработката со која се спроведува и Европскиот квиз на парите кај нас, и во претстојниот период ќе имаат бројни активности со коишто се има за цел уште повеќе да се поттикнат интересот за финансиската едукација и поголема финансиска инклузија.

Останато

Бизнисот со топлинска енергија оди во домашни раце – Адора инженеринг на јавна лицитација за 9,3 милиони евра го купи имотот на Топлификација АД во стечај

Објавено

на

Адора инженеринг по пат на јавна лицитација, за 9,3 милиони евра, ги купи Топланите Исток и Запад и најголемиот дел од останатиот имот на Топлификација АД, која е во стечај. Со оваа купопродажба успешно се завршува стечајната постапка на ова претпријатие и се отвара ново светло, поглавје во регулираниот бизнис со производство на топлинска енергија, кој што е од државно значење, односно директно влијае врз екологијата и целокупниот комфор на живеење на граѓаните во главниот град Скопје. (more…)

Продолжи со читање

Останато

Извршниот директор на Тиго Фајнанс, Филип Димитровски, прогласен за еден 40 највлијателни и најуспешни бизнис лидери под 40 години во Југоисточна Европа

Објавено

на

Престижната меѓународна агенција „Business Elite Awards“, на специјална гала свеченост организирана во Истанбул, Турција, му го додели значајното „40 Under 40“ признание за бизнис лидер под 40 години на Филип Димитровски, извршен директор на финансиското друштво Тиго Фајнанс. (more…)

Продолжи со читање

НБРМ

Во соработка со ИНФЕ-ОЕЦД и Министерството за финансии на Холандија се засилуваат активностите за спроведување на националната Стратегија за финансиска едукација и финансиска инклузија

Објавено

на

Спроведувањето на првата национална Стратегија за финансиска едукација и финансиска инклузија засилено напредува. Оттука, вчера и денес, финансиските регулатори од земјава предводени од Народната банка во рамките на Координациското тело за финансиска едукација и финансиска инклузија, заедно со Меѓународната мрежа за финансиска едукација при Организацијата за економска соработка и развој (ИНФЕ-ОЕЦД) во соработка со Министерството за финансии на Холандија, организираат работилница, во рамките на програмата на Конституенцата и програмата „Манивајс“ (Money Wise). (more…)

Продолжи со читање



Популарно