Connect with us

Домашни банки

Препораки од ТТК Банка во врска со исплатата на априлските пензии

Објавено

на

ТТК Банка АД Скопје ги потсетува своите клиенти пензионери дека според веќе објавениот распоред, исплатата на априлските пензии на шалтер за пензионерите коишто не поседуваат дебитни картички ќе се спроведе по групи:

  • во понеделник, 27 април – пензии со висина до 11.000 денари;
  • во вторник, 28 април – пензии во висина од 11.001 денари до 14.000 денари;
  • во среда, 29 април – пензии во висина од 14.001 денари до 18.000 денари;
  • во четврток, 30 април – пензии во висина над 18.000 денари.

Банката апелира за придржување до распоредот за исплатата на пензиите на шалтер и за почитување на следните препораки:

Во периодот од 8 до 12 часот приоритет имаат лицата над 67 години

Во периодот од 8 до 12 часот, кога е дозволено движење на лицата над 67 години, граѓаните коишто се во други возрасни групи, особено следната недела од 27 до 30 април, пожелно е да им дадат приоритет и предност на повозрасните граѓани коишто имаат потреба од банкарски услуги.

Задолжително растојание од најмалку 2м

Да се почитуваат правилата за чекање ред на обележаните места и одржување меѓусебно растојание од најмалку 2 метри пред и по влегувањето во филијалите/експозитурите.

Задолжително носење заштитна маска

При влез во филијала/експозитура задолжително е носење лична заштитна опрема за носот и устата којашто може да биде: респираторна маска, хируршка маска за еднократна употреба, текстилна маска за повеќекратна употреба, памучна марама или шал и сл.

Задолжителна дезинфекција на рацете при влез

Да се почитуваат правилата за задолжителна дезинфекција на рацете при влез во филијалите/експозитурите.

Аплицирајте за дебитна картичка

При посета на филијалите и експозитурите во текот на следната недела, пензионерите коишто досега не поседуваат дебитна картичка можат да го поднесат барањето за изработка на картичка поврзана со нивната сметка. На тој начин, нивните средства ќе им бидат достапни во секое време за плаќање во трговската мрежа, како и можноста за нивно подигнување од банкомат.

Плаќајте безготовински

ТТК Банка апелира средствата првенствено да се користат безготовински, за плаќање во трговската мрежа или преку електронското и мобилното банкарство.

Домашни банки

Халкбанк преку кампања “На наша сметка” инвестира над 25.000 евра за поддршка на угостителскиот сектор

Објавено

на

Како дел од својата заложба за поддршка на малите бизниси погодени од корона-кризата, Халкбанк продолжува со уште една кампања наречена „На наша сметка“ преку која дава директна помош на вкупно 133 локали од угостителскиот сектор низ целата територија на земјата. (more…)

Продолжи со читање

Домашни банки

Какви се очекувањата на Стопанска банка а.д. Битола за претстојниот период?

Објавено

на

Во периодот од 01.01-30.06.2020 година Стопанска банка а.д. Битола од своето работење оствари позитивен финансиски резултат во износ од 52,42 милиони денари и покрај пандемијата на коронавирусот којашто го зафати светот. (more…)

Продолжи со читање

Домашни банки

Стопанска банка а.д. Битола оствари добивка од 52,4 милиони денари во првите шест месеци од 2020 година

Објавено

на

Во првата половина од 2020 година, Стопанска банка а.д. Битола беше фокусирана на остварување на клучните стратешки, деловни и финансиски цели во услови на вонредна состојба во државата и во услови на глобална економска неизвесност наметната од пандемијата од вирусот COVID-19. Банката настојуваше да го приспособи своето работење на новонастанатата ситуација залагајќи се, пред сè, за безбедност на клиентите при користењето на услугите на Банката, како и за безбедност на вработените на работните места. (more…)

Продолжи со читање

Популарно