Connect with us

НБРМ

Препораки на Народната банка во врска со исплатата на паричната помош од социјална и детска заштита

Објавено

на

По известувањето дека сите банки се подготвени да ја реализираат исплатата на паричната помош од социјална и детска заштита, притоа водејќи грижа за заштита на јавното здравје, од Народната банка апелираат:

  • При посета на филијалите и експозитурите на банките, корисниците на парична помош од социјална и детска заштита коишто досега не поседуваат дебитна картичка, да го поднесат барањето за изработка на картичка поврзана со нивната сметка. На тој начин, од следниот месец, паричната помош од социјална/детска заштита ќе им биде достапна без да треба да ги посетуваат филијалите и експозитурите на банките за да подигнат готовина.
  • При посетата на филијала/експозитура да се реализираат и другите банкарски услуги за коишто корисникот на паричната помош смета дека во овој период е потребно физичко присуство, со цел да не мора неколкукратно да ја посетува банката во краток период.
  • Корисниците на парична помош од социјална и детска заштита, коишто поседуваат дебитна картичка и од вторник, 2 јуни 2020 година, ќе располагаат со средствата, заради заштита на јавното здравје да настојуваат секогаш кога имаат потреба од готовина, за таа цел да ги користат банкоматите. Со тоа ќе придонесат за помало физичко присуство во банките и ќе им дадат предност на корисниците коишто во моментот не поседуваат дебитна картичка. Во трговската мрежа, секогаш кога е можно, најсоодветно е плаќањата да се вршат безготовински – со употреба на картичката.
  • При посета на филијалите и експозитурите да се почитува обврската за носење лична заштитна опрема (респираторна маска, хируршка маска за еднократна употреба, текстилна маска за повеќекратна употреба и слично).
  • Да се почитуваат насоките за задолжителна дистанца од другите лица, пред и во објектите на банките.
  • Да се почитуваат насоките за дезинфекција на рацете при влез во објектите на банките.

Од Народната банка потсетуваат дека според веќе објавениот распоред, исплатата на паричната помош од социјална и детска заштита, за корисниците коишто не поседуваат дебитна картичка ќе се спроведе во три групи, по азбучен ред, според првата буква од презимето:

  • во вторник, 2 јуни – А, Б, В, Г, Д, Ѓ, Е, Ж, З, Ѕ;
  • во среда, 3 јуни – И, Ј, К, Л, Љ, М, Н, Њ, О;
  • во четврток, 4 јуни – П Р, С, Т, Ќ, У, Ф, Х, Ц, Ч, Џ, Ш.

 

Народната банка апелира за придржување до распоредот, со што ќе се овозможи бројноста на лица пред филијалите и експозитурите на банките да биде помала, во корист на здравјето.

И при оваа исплата, Народната банка ќе биде во интензивна комуникација со банките, заеднички настојувајќи сите активности поврзани со исплатата да се остварат на начин којшто е најсоодветен за да се заштити јавното здравје.   

Од Народната банка веруваат дека како и при готовинските исплати по групи во изминатиот период, системскиот и координиран пристап, и при оваа исплата ќе ги даде очекуваните резултати.

НБРМ

Усвоен Стратегискиот план на Народната банка за периодот 2022-2024 година

Објавено

на

Советот на Народната банка одржа редовна седница на која беше усвоен Стратегискиот план на Народната банка за периодот 2022-2024 година. (more…)

Продолжи со читање

НБРМ

Ангеловска-Бежоска: Главните предизвици за носителите на политиките ќе бидат двојни – да им се даде поддршка на економиите и да не се предизвикаат нерамнотежи

Објавено

на

Во периодот што претстои, главните предизвици за носителите на политиките ќе бидат двојни. Од една страна, и натаму ќе треба да се обезбедува поддршка за економиите во закрепнувањето од кризата, но добро насочена и со соодветен обем. Глобалната економска криза од 2008/09 година покажа дека носителите на политиките не треба наеднаш да запираат со мерките за поддршка на економиите во справувањето со шокот, а овојпат тоа е нагласено и заради примарниот, здравствен карактер на кризата. Но, од друга страна, ќе треба да се внимава во одредувањето на карактеристиките на макроекономскиот стимул, за да не се предизвикаат нерамнотежи. (more…)

Продолжи со читање

НБРМ

ЦЕФ, Љубљана: Народната банка е одличен пример во регионот

Објавено

на

ЦЕФ гледа на пристапот на Народната банка како на одличен пример за многу други институции во регионот, вистински центар на знаење. Концепт што се трудиме да го промовираме преку нашата работа.” Ова го истакна Јана Репаншек, директорка на Центарот за извонредност во финансиите од Љубљана, Словенија.   (more…)

Продолжи со читање


Популарно