Потрошувачките цени во Италија забележаа негативен раст во 2016 година, што е прва дефлација во државата од 1959 година согласно официјалните статистички податоци.

Според податоците на националниот институт за статистика ISTAT, цените минатата година паднале за 0,1% во однос на 2015 година.

Вкупната инфлација за 2016 година отишла во минус, на крајот на годината е забележано опоравување на цените, па така во ноември нивниот раст изнесувал 0,1% на годишно ниво, а во декември 0,5%, што го изненади аналитичарите кои очекуваа 0,3%.

ISTAT, во ноември соопшти дека очекува нулта инфлација во 2016 година и 0,1% во 2017 година.