По неколкудневниот раст на акциите, пазарот на капитал во Северна Македонија доживува пад на вредноста што најмногу се гледа со движењето на индексот МБИ10 на Македонска берза кој ги содржи десетте најликвидни хартии од вредност на котираните акционерски друштва.

На последниот ден за тргување на македонската берза немаше ниту една акција која забележа раст на својата вредност.

Најпогодени од оваа ситуација беа акциите на Макстил АД Скопје кои забележаа пад од 2,27%. Падот на Македонската берза негативно се одрази и врз вредноста на акциите на Стопанска банка АД Скопје кои забележаа пад од 2,23%, како и врз акциите на Фершпед АД Скопје кои забележаа пад од 1,35%.

Пад на вредноста на акциите забележаа и Алкалоид АД Скопје од 1,27% и Комерцијална банка АД Скопје од 1,16%.

Според официјалниот среден курс на Народната банка на Македонија, денеска денарот спрема еврото има вредност од 61.4947 денари.

Курсот на денарот спрема доларот е на ниво од 55.1918 денари, британската фунта изнесува 71.7725 денари, додека пак швајцарскиот франк е 57.1991 денари.