По вртоглавиот пад на вредноста на криптовалутите кој траеше цела недела и вчерашниот пад на вредноста под 30.000 долари, најпознатата криптовалута во светот, биткоинот, почна да се опоравува и да ја зголеми својата вредност.

Во текот на вчерашниот ден, вредноста на биткоинот повторно надмина 30.000 американски долари, зголемувајќи ја вредноста за околу 5 проценти. Пазарната цена на најпознатата криптовалута изнесува 32.440 долари, додека пак пазарната капитализација е 607,48 милијарди долари.

Втората најпозната криптовалута во светот, етериумот, исто така, забележа закрепнување од 3,26 проценти во последните 24 часа, а во моментов се тргува по цена од 1.909 долари. Пазарната капитализација на оваа криптовалута изнесува 222,29 милијарди долари.