Connect with us
P2_P_MK_1600x400

Домашни банки

“Поштенска банка„ нов случај на СЈО

Објавено

на

“Поштенска банка„е регистрирана на 04.06.2001 година врз основа на Законот за јавните претпријатија (Сл. Весник на Р.М. број 38/96 и член 122 од Законот за банките (Сл. Весник број 63/2000) и Одлуката на Управниот Одбор на ЈП за поштенски сообраќај Македонска Пошта ц.о. Скопје (8-ма редовна седница одржана на ден 26.02.2001 година) за реорганизирање на Поштенска штедилница ДОО, Скопје во Поштенска Банка АД Скопје. Согласно донесената Одлука и Решението од Народна банка на РМ бр.02-14/-297-2001 година за издавање дозвола, реорганизацијата е регистрирана во Основниот суд Скопје 1 на 04.06.2001 година со трег.бр.2297/2001. Во 2005 година Еуростандард Банка АД Скопје го презема управувачкиот пакет акции во Поштенска Банка АД, Скопје. По преземањето Поштенска Банка АД Скопје комплетно се преструктуираше. Банката воведе нова организациска структура, ја подобри структурата на вработените, ги усоврши процедурите за кредитно одлучување, процедурите за управување со ризиците и го унапреди корпоративното управување.

На 24.01.2014 „Еуростандард банка“ на берзанска аукција го купи државниот удел во „Поштенска банка“ со што станала нејзин целосен сопственик.Се работи за 12.830 акции во „Поштенска Банка“ купени по цена од 20.950 денари за акција. Вкупната вредност на трансакцијата е околу 4,4 милиони евра.„Еуростандард банка“ била единствен учесник на аукцијата бидејќи само таа добила претходна согласност од Народна банка на Република Македонија.

Јавното обвинителство за гонење на кривични дела поврзани и кои произлегуваат од содржината на незаконското следење на комуникациите отвори нова истрага со кодно име „Поштенска банка“. Станува збор за финансиска истрага со главен фокус кон основањето на банката.

Истрагата опфаќа повеќе поврзани настани за сторени кривични дела – Перење пари и други приноси од казниво дело од чл.273 и со истата се опфатени девет лица Коле Смилевски, Томе Главчев, Ратко Димитровски, Викица Поповски, Георги Каратолис, Кирил Јаневски, Зоранчо Митровски, Ристо Милев и Златко Ѓорчев.

Во соопштението  на обвинителството наведуваат дека од извршените кривични дела сторени во временскиот период од 2001 до 2010 година била прибавена имотна корист во износ од околу 5 милиони евра.

Според истрагата на почеток на 2001 година Георгиевски, Ѓорчев и Груевски со цел да ја контролираат „Поштенска банка“, организирале во основањето на Банката, покрај „Македонска пошта“, да учествуваат и правните лица кои тие ги избрале – „Ноел Експорт импорт“ од Гевгелија на Главчев и печатница „Европа 92“ од Кочани на Димитровски и тоа без учество со сопствени стедства.Банката била основана со пари од кредити како основачки влогови, што е спротивно на Законот за банки. Тие потоа кредитите за основање на „Поштенска банка“, ги отплатиле со кредит подигнат од истата „Поштенска банка“ што им го овоможил генералниот директор на банката Коле Смилевски.

Според СЈО, на сопствениците на овие правни лица, на Томе Главчев и Ратко Димитровски им било кажано дека во основањето на Банката нема да учествуваат со сопствени средства, туку со пари кои ќе ги обезбедат од кредити. Планот бил основањето на „Поштенска банка“ да не биде со средства на осомничените, туку со средства од други извори.

Ставено во законска рамка станува збор за индиректно кредитирање на основачките влогови со средства од банката која се основа, што е спротивно на Законот за банки и преставува кривично дело – Злоупотреба на службената положба и овластување.

Дополнително, осомничените Томе Главчев и Ратко Димитровски, искористувајќи ја нивната позиција во „Поштенска банка“, издејствувале осомничениот Коле Смилевски да овозможи одобрување на повеќе кредити на правните лица „Ноел“ и печатница „Европа 92“, како и на друштвата кои што биле директно поврзани со нив.

За да ги прикријат парите од незаконски добиени кредити, како и незаконските акции Главчев и Димитровски подигнале кредит во друга банка заложувајќи ги акциите, кој откако не и бил вратен го активирала обезбедувањето на кредитот и станала акционер во „Поштенска банка“.

Со цел да извлечат уште пари од Банката Смилевски, Главчев и Димитровски направиле обид за докапитализација на Банката преку втора емисија на акции за однапред познати купувачи. Тоа не било одобрено од НБРМ бидејќи управителите на „ГД Тиквеш“  Кавадарци, „ГП Бетон“  Тетово,  „МИК“ Кавадарци, „Венгал“  Скопје, „Езимит Груп“ Штип и  „Жито Скопје“ – се обиделе акциите да ги купат од средствата на истата банка.

И покрај тоа Смилевски ги обештетил управителите на овие компании со по 13 милиони денари иако не претрпеле никаква штета. СЈО невдува дека управителите на компаниите знаеле дека договорите се фиктивни, но дејствувале како членови на група што се занимава со перење на пари.

Тогашните премиер Љупчо Георгиевски, министерот за финансии Никола Груевски и вицепремиерот Марјан Ѓорчев се спасија од кривична одговорност, бидејќи делото злоупотреба на службената положба во меѓувреме застарело.

Домашни банки

Караван на Охридска Банка наменет за мали и средни претпријатија

Објавено

на

Охридска банка Сосиете Женерал неодамна го започна својот караван на средби со малите и средни претпријатија низ земјата. Целта на овој караван е непосредна комуникација со клиентите и отворена дискусија за сите предизвици со кои се соочуваат компаниите, како и експертски пристап во насока на подобрување на работата на компаниите и унапредување на меѓусебната соработка.

Во центарот на вниманието на овие работни средби беше неодамна пласираната кредитна линија во соработка со Европската Банка за Обнова и Развој, позната како “Партнер+” кредит.

Имено, станува збор за кредитна линија наменета за малите и средните претприjатија со можност за грант од 15% финансиран од Европската унија, која се карактеризира со максимален износ на поединечен кредит до 1 000 000 евра, грејс период до 12 месеци, конкурентна каматна стапка, минимален рок за враќање на кредитот – 18 месеци и максимален рок за враќање на кредитот – 10 години, како и 15% грант пресметан на износот на финансираната инвестиција, овозможен од Европската унија. Дополнителен бенефит е користењето на бесплатни консултантски услуги од страна на стручни консултанти, ангажирани од ЕБРД, што придонесува и за повисоко ниво на квалитет на проектите финансирани со Партнер + кредитната линија.

Во текот на вчерашниот ден во Охрид се одржа трета работилница по ред, организирана од Охридска Банка, со цел подобро запознавање на претставниците на малите и средни претпријатија со поволностите на Партнер + кредитот, На работилницата преку панел дискусија на која учествуваа преставници од Охридска банка и претставници на стручните консултатни од проектот за поддршка на конкурентноста на МСП, како и директна дискусија со присутните претставници на малите и средни претпријатија, беа споделени детални информации за начинот и процесот на апликација и одобрување на кредити од кредитната линија Партнер +. Претходно вакви работилници се одржаа во Скопје и Штип.

Преку одржаните работилници досега, над 150 претставници на мали и средни претпријатија се запознаа со можностите за зголемување на инвестициите во рамки на своите компании преку користење на оваа поволна кредитна линија.

Повеќе информации за Партнер+ кредитот, за правни лица може да причитате на веб страницата на Банката, во мрежата на експозитури на Охридска Банка, како и на Контакт центар 02 15 050.

Продолжи со читање

Домашни банки

Охридска банка Сосиете Женерал главен спонзор на 59. издание на “Охридско лето”

Објавено

на

Охридска банка Сосиете Женерал и оваа година е главен спонзор и поддржувач на една од најзначајните културни манифестации во земјата – Охридско лето, одбележје на градот Охрид. (more…)

Продолжи со читање

Домашни банки

Комерцијална банка овозможи online аплицирање за потрошувачки кредити

Објавено

на

За потрошувачките ненаменски кредити на Комерцијална банка АД Скопје отсега може да аплицирате и електронски (online). За сите физички лица, корисници на услугата електронска банка, кои имаат опција за плаќање, Комерцијална овозможи побрза и поедноставна постапка преку online аплицирањето.

(more…)

Продолжи со читање

Популарно

Copyright © 2018 bankarstvo.mk. All Rights Reserved. Developed by Digital Orange